விக்கிபீடியாவுக்கு போட்டியாக குரோக்பீடியா : விரை​வில் அறி​முகம் செய்​கிறார் எலான் மஸ்க்

விக்​கிபீடி​யா​வுக்கு போட்​டி​யாக குரோக்​பீடியா என்ற தகவல் களஞ்சியத்தை அமெரிக்க தொழில​திபர் எலான் மஸ்க் விரை​வில் அறி​முகம் செய்​கிறார். 

கடந்த 2001ஆம் ஆண்​டில் தொடங்​கப்​பட்ட விக்​கிபீடியா உலகின் தகவல் களஞ்​சி​ய​மாக செயல்​படு​கிறது. விக்​கிமீடியா அறக்​கட்​டளை என்ற தொண்டு நிறு​வனம் விக்​கிபீடி​யாவை நிர்​வகித்து வரு​கிறது. 

இந்த தளம் சுமார் 300 இற்​கும் மேற்​பட்ட மொழிகளில் தகவல்​களை வழங்கி வரு​கிறது. சுமார் 6.5 கோடிக்​கும் மேற்​பட்ட கட்​டுரைகள் இடம்பெற்​றுள்​ளன.

தற்​போது விக்​கிபீடி​யா​வுக்கு போட்​டி​யாக குரோக்​பீடியா என்ற புதிய தகவல் களஞ்​சி​யத்தை அமெரிக்க தொழில​திபர் எலான் மஸ்க் விரைவில் அறி​முகம் செய்ய உள்​ளார். 

இது குறித்து சமூக வலை​தளத்​தில் அவர் நேற்று வெளி​யிட்ட பதி​வில், “அடுத்த 2 வாரங்​களில் குரோக்​பீடியா தொடங்​கப்​படும்’’ என்று அறி​வித்​துள்​ளார்.

தொழில​திபர் எலான் மஸ்க் சார்​பில் கடந்த 2023ஆம் ஆண்டு மார்ச் மாதம் எக்ஸ் AI என்ற செயற்கை நுண்​ணறிவு நிறு​வனம் தொடங்கப்பட்​டது. எக்ஸ் AI சார்​பில் கடந்த 2023ஆம் ஆண்டு நவம்பரில் குரோக் என்ற அரட்டை தளம் தொடங்​கப்​பட்​டது. அடுத்த கட்​ட​மாக எக்ஸ் AI சார்​பில் தற்​போது குரோக்​பீடியா என்ற தகவல் களஞ்​சி​யம் தொடங்​கப்பட உள்​ளது.

முதல்​கட்​ட​மாக குரோக்​பீடி​யா​வில் ஆங்​கில மொழி​யில் 68 இலட்​சம் கட்​டுரைகள் இடம்​பெற உள்​ளன. அதோடு மொழி அகரா​தி, புத்​தகம், செய்​தி​கள், பொது அறி​வு, சுற்​றுலா தலங்​கள் குறித்த சேவை​களும் வழங்​கப்பட உள்​ளன.

இது தொடர்​பாக எக்ஸ் AI நிறு​வனத்​தின் சிரேஸ்ட அதி​காரி சமூகவலை​தளத்​தில் வெளி​யிட்ட பதி​வில், ‘‘விக்​கிபீடியா தளத்​தில் பல்​வேறு பொய்​கள் பரவி கிடக்​கின்​றன. உண்​மை​கள் மறைக்கப்பட்டு உள்​ளன.

சில தீய சக்​தி​கள் விக்​கிபீடியா மூல​மாக தவறான தகவல்​களை அளித்து வரு​கின்​றன. இதற்கு விக்​கிபீடியா நிர்​வாக​மும் உறுதுணையாக இருந்து வரு​கிறது. புதி​தாக அறி​முக​மாகும் குரோக்பீடி​யா, பொது​மக்​களுக்கு உண்​மை​யான தகவல்​களை மட்டுமே வழங்​கும்’’ என்றா​ர்​.