இலங்கைப் பரீட்சைகள் திணைக்களம் விடுத்துள்ள அறிவிப்பு

முகாமைத்துவ சேவைகள் அதிகாரி சேவையின் தரம் III க்கு ஆட்சேர்ப்பு செய்வதற்கான திறந்த போட்டித் தேர்வு - 2024 (2025) ஒக்டோபர் 05 ஆம் திகதி நாடு முழுவதும் நடைபெறும் என்று இலங்கைப் பரீட்சைகள் திணைக்களம் அறிவித்துள்ளது.

பரீட்சைகள் ஆணையாளர் நாயகம் வெளியிட்டுள்ள அறிவிப்பின்படி, இந்தத் தேர்வுக்கான பொருத்தமான நுழைவுச் சீட்டுகளை பரீட்சைகள் திணைக்களத்தின் அதிகாரப்பூர்வ வலைத்தளமான www.doenets.lk இலிருந்து பதிவிறக்கம் செய்ய முடியும் என தெரிவித்துள்ளது.

மேலும், இந்தத் தேர்வு தொடர்பாக மேலதிக தகவல்கள் தேவைப்படின், இலங்கைப் பரீட்சைகள் திணைக்களத்தின் நிறுவனப் பரீட்சைகள் அமைப்புக் கிளையை 011-2785230 / 011-3661244 / 011-3661246 என்ற தொலைபேசி எண்கள் மற்றும் forex@sitnet.lk என்ற மின்னஞ்சல் முகவரி மூலமாக தொடர்புகொள்வதன் மூலம் பெற்றுக்கொள்ள முடியும் என இலங்கைப் பரீட்சைகள் திணைக்களம் தெரிவித்துள்ளது.