IPL போட்டிக்கான முழு அட்டவணை வெளியீடு

2025 இல் நடைபெறும் IPL கிரிக்கெட் போட்டிக்கான முழு அட்டவணை வெளியிடப்பட்டது.

மார்ச் மாதம் 22ஆம் திகதி தொடடங்கும் முதல் போட்டியில் கொல்கத்தா நைட் ரைடர்ஸ் அணியும், ரோயல் சேலஞ்சர்ஸ் பெங்களூரு அணியும் மோதுகின்றன.

சென்னையில் நடைபெறும் 3 ஆவது போட்டியில் மும்பை இந்தியன்ஸ் - சென்னை சூப்பர் கிங்ஸ் அணிகள் மோதவுள்ளன.

சென்னை சூப்பர் கிங்ஸ் மற்றும் மும்பை இந்தியன்ஸ் அணிகள் மோதும் 2 வது லீக் போட்டி சென்னையில் மார்ச் மாதம் 23 ஆம் திகதி இரவு 7.30 மணிக்கு நடைபெறுகிறது.

65 நாட்களில் 74 போட்டிகள் நடைபெறவுள்ளன. மே மாதம் 18 வரை லீக் சுற்றில் 70 போட்டிகள் நடைபெறும், அவற்றில் 12 டபுள் ஹெடர்கள், அதாவது, 2 போட்டிகள் 12 முறை ஒரே நாளில் நடைபெறும். இறுதிப் போட்டி மே மாதம் 25ஆம் திகதி கொல்கத்தாவில் நடைபெறும்.

ஐபிஎல் தொடரின் தொடக்க மற்றும் இறுதிப் போட்டிகள் நடப்பு சாம்பியன் அணியின் சொந்த மைதானத்தில் நடைபெறுவது வழக்கம். இந்த முறையும் இந்த இரண்டு போட்டிகளும் கொல்கத்தாவில் உள்ள ஈடன் கார்டன் மைதானத்தில் நடைபெறும்.

இறுதிப் போட்டி மே மாதம் 25ஆம் திகதியும், குவாலிஃபையர் 2 ஆவது ஆட்டம் மே மாதம் 23 ஆம் திகதியும் கொல்கத்தாவில் நடைபெறும்.

கடந்த சீசனின் ரன்னர்-அப் அணியான சன்ரைசர்ஸ் ஹைதராபாத்தின் சொந்த மைதானமான ராஜீவ் காந்தி ஸ்டேடியத்திலும் 2 பிளே ஆஃப் போட்டிகள் நடைபெறும். குவாலிஃபையர் 1 போட்டி மே மாதம் 20ஆம் திகதியும், எலிமினேட்டர் போட்டி மே மாதம் 21ஆம் திகதியும் நடக்கிறது.

அகமதாபாத், மும்பை, சென்னை, பெங்களூரு, லக்னோ, முல்லன்பூர் (மொகாலி), டெல்லி, ஜெய்ப்பூர், கொல்கத்தா, ஹைதராபாத் ஆகிய 10 அணிகளின் சொந்த மைதானங்கள். இவை தவிர, கவுகாத்தி, விசாகப்பட்டினம் மற்றும் தர்மசாலா ஆகிய 13 இடங்களில் போட்டிகள் நடைபெறும்.