நாடு பொருளாதார நெருக்கடியை எதிர்கொண்டுள்ள போதிலும், மக்களுக்கு வீடு வழங்கும் வேலைத்திட்டம் தொடர்ந்தும் அமுல்படுத்தப்படும் : இரண்டு ஆண்டுகளுக்குள் 30,000 உரிமைப்பத்திரங்கள் வழங்க நடவடிக்கை : கொழும்பில் சுமார் இரண்டு இலட்சம் அடுக்குமாடி குடியிருப்புகளை நிர்மாணிக்க நடவடிக்கை - நகர அபிவிருத்தி, வீடமைப்பு அமைச்சின் செயலாளர் பிரதீப் ரத்நாயக்க

நாடு பொருளாதார நெருக்கடியை எதிர்கொண்டுள்ள போதிலும், மக்களுக்கு வசதியான வீடுகள் வழங்கும் வேலைத்திட்டம் மற்றும் உரிமைப்பத்திரம் வழங்கும் வேலைத்திட்டம் தொடர்ந்தும் நடைமுறைப்படுத்தப்படும் என நகர அபிவிருத்தி மற்றும் வீடமைப்பு அமைச்சின் செயலாளர் பிரதீப் ரத்நாயக்க தெரிவித்தார்.

நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்கவின் ஆலோசனையின் பேரில் அடுத்த இரண்டு வருடங்களுக்குள் 30,000 வீட்டு உரிமைப் பத்திரங்களை வழங்கும் வேலைத்திட்டம் ஏற்கனவே ஆரம்பிக்கப்பட்டுள்ளதாகவும் அவர் குறிப்பிட்டார்.

நகர அபிவிருத்தி மற்றும் வீடமைப்பு அமைச்சுக்கு சொந்தமான நிறுவனங்களின் முன்னேற்றம் குறித்து ஊடகப் பிரதானிகளை அறிவிப்பதற்காக பத்தரமுல்லை சுஹுருபாயவில் அமைந்துள்ள அமைச்சின் கேட்போர் கூடத்தில் இன்று (5) zoom தொழில்நுட்பத்தின் ஊடாக நடைபெற்ற அசிதிசி முன்னணி கலந்துரையாடலில் கலந்துகொண்ட போதே செயலாளர் இதனைக் குறிப்பிட்டார்.

அங்கு நகர அபிவிருத்தி மற்றும் வீடமைப்பு அமைச்சின் செயலாளர் பிரதீப் ரத்நாயக்க கூறியதாவது, கடந்த காலங்களில் நாட்டில் ஏற்பட்ட பொருளாதார நெருக்கடி காரணமாக வீடுகள் கட்டுவதில் பின்னடைவு ஏற்பட்டது. ஆனால் பொருளாதார நெருக்கடியை வென்று மீண்டும் நாட்டில் அபிவிருத்திப் போரை ஆரம்பிக்க அரசாங்கம் தயாராக உள்ளது. அதற்கேற்ப, வீட்டுத் திட்டங்களை மீண்டும் தொடங்க நடவடிக்கை எடுத்து வருகிறோம்.

கொழும்பு நகரில் வீடற்ற மக்களின் வீட்டுப் பிரச்சினையைத் தீர்க்க சுமார் இரண்டு இலட்சம் அடுக்குமாடி குடியிருப்புகள் கட்டப்பட வேண்டும். எந்த நெருக்கடி வந்தாலும் அந்த இலக்கை அடைய அமைச்சு ஏற்கனவே ஒரு குறிப்பிட்ட திட்டத்தை செயல்படுத்தியுள்ளது.

மேலும், திறைசேரியின் பணத்தில் சுமார் 260 நகர அபிவிருத்தி திட்டங்கள் ஆரம்பிக்கப்பட்டுள்ளதுடன் மேலும் ஐந்து வேலைத்திட்டங்கள் நகர அபிவிருத்தி அதிகார சபையின் பணத்தில் ஆரம்பிக்கப்பட்டுள்ளன.

அரசாங்கத்திற்கு வழங்கப்படாத நகர அபிவிருத்தி அதிகார சபைக்கு சொந்தமான காணிகளிலும், திட்டங்கள் நடைமுறைப்படுத்தப்படாத வெற்று நிலத்திலும் பயிர்ச் செய்கை நடவடிக்கைகள் ஆரம்பிக்கப்பட்டுள்ளன. அதன்படி பன்னிப்பிட்டிய, மாதிவெல போன்ற பிரதேசங்களில் அடையாளம் காணப்பட்ட காணிகளில் பயிர்ச் செய்கை நடவடிக்கைகள் ஏற்கனவே ஆரம்பிக்கப்பட்டுள்ளன.

நகர அபிவிருத்தி மற்றும் வீடமைப்பு அமைச்சு அபிவிருத்தி அனுமதிகளின் ஒப்புதலை விரைவுபடுத்துவதற்காக (One-Stop Unit, OSU) என்ற சேவைப் பிரிவை அறிமுகப்படுத்தப் போகிறது. அபிவிருத்தி அனுமதிகளை அங்கீகரிக்கும் அனைத்து நிறுவனங்களையும் சேர்த்து இந்த சேவைப் பிரிவு நிறுவப்பட உள்ளது. அபிவிருத்தி அனுமதிகளை அங்கீகரிக்க எடுக்கும் நேரத்தை குறைத்து, எளிமையாக்குவதன் மூலம், அதிக முதலீட்டை ஈர்க்க முடியும் என நம்புகிறோம்.

நகர அபிவிருத்தி மற்றும் வீடமைப்பு அமைச்சின் கீழ் இலங்கை தீவுகள் அபிவிருத்தி அதிகார சபை என்ற புதிய நிறுவனத்தை நிறுவவும் தீர்மானிக்கப்பட்டுள்ளது. அந்த அதிகாரசபையை நிறுவுவதன் முதன்மை நோக்கம் இலங்கையைச் சுற்றி அமைந்துள்ள தீவுகளை அபிவிருத்தி செய்வதும், சுற்றுலாவை மேம்படுத்துவதும், நாட்டிற்கு டாலர்களை கொண்டு வருவதும் ஆகும்.

நகர அபிவிருத்தி மற்றும் வீடமைப்பு அமைச்சின் கீழ் உள்ள நிறுவனங்களின் ஆதரவுடன் தேசிய பெளதீக அபிவிருத்தித் திட்டம் தயாரிக்கப்பட்டு அனைத்து நிறுவனங்களுக்கும் வழங்கப்படவுள்ளது. தேசிய பெளதீகத் திட்டம் புதுப்பிக்கப்பட்டு, அங்கு பெறப்படும் கருத்துகள் மற்றும் ஆலோசனைகளை எடுத்துக்கொண்டு தேசிய பெளதீக அபிவிருத்தித் திட்டம் தயாரிக்கப்படும்.

வெளிநாடுகளில் உள்ள இலங்கையர்களுக்கும் தொழிலாளர்களுக்கும் வீடுகளை டொலர்களுக்கு விற்பனை செய்யும் வேலைத்திட்டத்தின் கீழ் ஏற்கனவே ஒரு வீடு 40,000 டொலர்களுக்கு விற்பனை செய்யப்பட்டுள்ளது. வெளிநாடுகளில் வாழும் இலங்கையர்களுக்கு மேலதிகமாக, வீடுகளை கொள்வனவு செய்ய வெளிநாட்டவர்களிடமிருந்தும் பல கோரிக்கைகள் வந்துள்ளன. அதன்படி, இந்த ஆண்டு இறுதிக்குள் டொலருக்கு வீடுகளை விற்கும் இலக்கை எளிதில் எட்டிவிடும்.

மேலும், குறைந்த வருமானம் பெறும் 25,000 வீடுகளுக்கு சோலார் பேனல்கள் மூலம் மின்சாரம் வழங்கும் திட்டத்துக்கு அமைச்சரவை தற்போது ஒப்புதல் அளித்துள்ளது. தேசிய மின்கட்டமைப்பில் 500 மெகாவோட் புதுப்பிக்கத்தக்க எரிசக்தியை சேர்க்க எதிர்பார்க்கப்படுகிறது.

வெகுசன ஊடக அமைச்சின் செயலாளர் அனுஷ பல்பிட கேள்வி எழுப்புகையில், வீடுகளை விற்பனை செய்யும் பணத்தை டொலர்களில் செலுத்தி வீடுகளை கொள்வனவு செய்யும் முறைமையை தயார் செய்ய முடியுமா?

இதற்கு பதிலளித்த நகர அபிவிருத்தி அதிகார சபையின் பணிப்பாளர் நாயகம் பிரசாத் ரணவீர, வீட்டின் பெறுமதியில் 25 வீதத்தை செலுத்தி எஞ்சிய 75 வீதத்தை தவணை முறையில் செலுத்துவதற்கான முறைமையை தயாரிப்பதற்கு அரச மற்றும் தனியார் வங்கிகளுடன் பேச்சுவார்த்தை ஆரம்பிக்கப்பட்டுள்ளது.

இலங்கை ஒலிபரப்புக் கூட்டுத்தாபனத்தின் தலைவர் ஹட்சன் சமரசிங்க தெரிவிக்கையில், டொலர்களுக்கு வீடுகளை விற்கும் திட்டத்தின் விளம்பரத்திற்காக ஒலிபரப்புக் கூட்டுத்தாபனத்துடன் தொடர்பு கொள்ளவும். அதற்கு தேவையான அனைத்து வசதிகளும் கூட்டுத்தாபனத்திடம் உள்ளது.

நகர அபிவிருத்தி மற்றும் வீடமைப்பு அமைச்சின் செயலாளர் பிரதீப் ரத்நாயக்க தெரிவிக்கையில் நாம் நிச்சயமாக அது தொடர்பில் கவனம் செலுத்துவோம்.

அரசாங்க தகவல் பணிப்பாளர் நாயகம் தினித் சிந்தக கருணாரத்ன கேள்வி எழுப்புகையில் "ஒரு கிராமத்திற்கு ஒரு வீடு" எனும் திட்டத்தின் கீழ் தனி வீடுகள் கட்டப்படுமா? அடுக்கு மாடியா?

இதற்கு பதிலளித்த நகர அபிவிருத்தி மற்றும் வீடமைப்பு அமைச்சின் செயலாளர் பிரதீப் ரத்நாயக்க, ஒற்றை வீடு. அங்கு பணம் தவணை முறையில் வழங்கப்படுகிறது. பிரதேச செயலக மட்டத்தில் வீடுகளை நிர்மாணிப்பதற்கு உதவிகள் செய்யும்.அடுத்த ஆண்டு இத் திட்டத்தை செயல்படுத்த அரசு ஆதரவு அளித்துள்ளது. அதன்படி, நாட்டிலுள்ள ஒவ்வொரு கிராம சேவைப் பிரிவுக்கும் ஒரு வீடு வீதம் 15,000 வீடுகளை நிர்மாணிக்கும் திட்டம் அடுத்த வருடம் நடைமுறைப்படுத்தப்படும்.

சுயாதீன தொலைக்காட்சி சேவையின் பிரதிப் பொது முகாமையாளர் சுதர்மன் ரதலியகொட கேள்வி எழுப்புகையில் நகரை அழகுபடுத்தும் திட்டத்தின் பராமரிப்புப் பணிகள் திட்டமிட்டபடி நடைபெறவில்லை எனத் தெரிவிக்கப்படுகிறது. அதன் சமீபத்திய நிலை என்ன? தனியார் துறை இணைந்து இந்தத் திட்டத்தைச் செய்ய முடியாதா?

இதற்கு பதிலளித்த நகர அபிவிருத்தி மற்றும் வீடமைப்பு அமைச்சின் செயலாளர் பிரதீப் ரத்நாயக்க, பாராளுமன்ற மைதானம் மற்றும் சுதந்திர சதுக்கத்தின் பராமரிப்பு பணிகள் நகர அபிவிருத்தி அதிகார சபையினால் மேற்கொள்ளப்படுகிறது. நாம் சம்பாதிக்கும் பணத்தில் நம்மை நாமே ஆதரிக்க வேண்டும்.

நகர அபிவிருத்தி அதிகார சபையின் பணிப்பாளர் நாயகம் பிரசாத் ரணவீர தெரிவிக்கையில், ஒரு நகரத்தை அழகுபடுத்தும் அதே வேளையில், நகரின் தொன்மையைப் பாதுகாத்து அபிவிருத்திப் பணிகள் மேற்கொள்ளப்படுகின்றன. கடந்த வாரம் கண்டி நகரம்அழகுபடுத்துதல் தொடங்கியது. சியக் நகர் அபிவிருத்தித் திட்டம் நான்கு மாதங்களில் முடிக்கப்பட்டது. நகரை அழகுபடுத்துவதில், நகரின் பொருளாதார நிலையை உயர்த்துவதில் சிறப்பு கவனம் செலுத்தப்படுகிறது. இதன் மூலம் கிராமப்புற மக்களின் பொருளாதார நிலை மேம்படும் என எதிர்பார்க்கப்படுகிறது. பராமரிப்புக்கு அதிக பணம் செலவிடப்படுகிறது.

சுயாதீன தொலைக்காட்சி சேவையின் பிரதிப் பொது முகாமையாளர் சுதர்மன் ரதலியகொட கேள்வி எழுப்புகையில், கஜிமா தோட்டத்தில் இடம்பெயர்ந்த மக்களுக்கு அரசாங்கம் வீடுகளை வழங்கியுள்ளது. ஆனால் அந்த வீடுகளை வேறு தரப்பினருக்கு கொடுத்துவிட்டு மீண்டும் தோட்டத்தில் வசிக்க வருகிறார்கள். இதை நிறுத்த திட்டம் உள்ளதா?

இதற்கு பதிலளித்த நகர அபிவிருத்தி மற்றும் வீடமைப்பு அமைச்சின் செயலாளர் பிரதீப் ரத்நாயக்க, நாங்கள் கஜிமா தோட்டத்தை இடைநிலை முகாமாக பயன்படுத்தினோம். அதில் வசிப்பவர்களுக்கு வீடுகளை வழங்கினோம். இன்னும் 20 குடும்பங்களுக்கு மட்டுமே வீடுகள் வழங்கப்பட உள்ளது. ஆனால் அங்கு 200 குடும்பங்கள் வசிக்கின்றன. இங்கு ஒரு சிக்கல் உள்ளது. எனவே, இந்நிலையை தடுக்க சட்டத்தை வலுப்படுத்துவோம் என நம்புகிறோம்.

லேக்ஹவுஸ் நிறுவனத்தின் ஆசிரியர் குழுப் பணிப்பாளர் சிசிர பரணதந்திரி கேள்வி எழுப்புகையில், 96 கிரிக்கெட் உலகக் கிண்ணத்தை வென்ற அணிக்கு பத்தரமுல்லை பிரதேசத்தில் வழங்கப்பட்ட காணிகளை சேகரித்து வீட்டுத் தொகுதியை நிர்மாணிக்க அர்ஜுன ரணதுங்க உள்ளிட்ட வீரர்கள் மறுத்துள்ளனர். இதன் சட்ட நிலை என்ன?

இதற்கு பதிலளித்த நகர அபிவிருத்தி அதிகார சபையின் பணிப்பாளர் நாயகம் பிரசாத் ரணவீர, 96 உலகக் கிண்ணத்தை வென்ற அணியை பிரதிநிதித்துவப்படுத்திய 14 வீரர்களுக்கு 10 பேர்ச் காணி வழங்கப்பட்டது. ஆனால் 8 வீரர்கள் கலப்பு அபிவிருத்தி திட்டத்திற்கு அனுமதி கோரியுள்ளனர். இந்த நிலங்கள் வீரர்களின் தனிப்பட்ட பயன்பாட்டிற்காக வழங்கப்பட்டுள்ளன. வேறு தரப்பினருக்கு காணி வழங்கப்படுமாயின் நகர அபிவிருத்தி அதிகாரசபையின் கட்டளைகளின் பிரகாரம் அதனை மேற்கொள்ள வேண்டும். அதன்படி செயல்பட்டால் கலப்பு அபிவிருத்தி திட்டத்திற்கு வழங்கலாம்.

லேக்ஹவுஸ் நிறுவனத்தின் ஆசிரியர் குழுப் பணிப்பாளர் சிசிர பரணதந்திரி கேள்வி எழுப்புகையில், அதற்கான கூட்டுக் கோரிக்கையை தாங்கள் முன்வைக்க வேண்டுமா? ஒரு தரப்பினரை மட்டும் கோர வேண்டுமா?

இதற்கு பதிலளித்த நகர அபிவிருத்தி அதிகார சபையின் பணிப்பாளர் நாயகம் பிரசாத் ரணவீர,  இந்தக் காணிகளை வேறு தரப்பினருக்கு தனியார் பாவனைக்காக வழங்க முடியாது என உரிய அமைச்சரவைப் பத்திரத்தில் குறிப்பிடப்பட்டுள்ளது. ஆனால் வேறு தரப்பினருக்கு மாற்றப்பட்டால், நிலத்தின் மதிப்பீடு மதிப்பு செலுத்தப்பட வேண்டும்.

வெகுஜன ஊடக அமைச்சின் செயலாளர் அனுஷ பல்பிட கேள்வி எழுப்புகையில், மாதிவெல கேள்வி எழுப்புகையில், அத்திடிய பறவைகள் சரணாலயம் தொடர்பான சமீபத்திய நிலைமை என்ன?

இதற்கு பதிலளித்த நகர அபிவிருத்தி அதிகார சபையின் பணிப்பாளர் நாயகம் பிரசாத் ரணவீர, பறவைகள் சரணாலயம் 39 ஏக்கர் பரப்பளவில் உள்ளது. ஆனால், பின்னர் இப்பகுதியில் மக்கள் குப்பைகளை கொட்டினர். பின்னர் தனியாருடன் இணைந்து இந்த நிலத்தை பறவைகள் சரணாலயமாக மாற்றினோம். கொழும்பிலும் அதனைச் சுற்றியுள்ள பகுதிகளிலும் உள்ள மக்கள் இங்கு சுதந்திரமாக நேரத்தைக் கழித்தனரர். நாம் இந்த நிலத்தை அபிவிருத்தி செய்யும் அதே வேளையில், அதன் தனித்துவமான தாவரங்களையும் பறவைகளையும் பாதுகாக்கும் வகையில் அபிவிருத்திப் பணிகளைச் செய்து வருகிறோம். அதற்கான அனுமதிகள் இந்த நாட்களில் பெறப்படுகின்றன.

இலங்கை ஒலிபரப்புக் கூட்டுத்தாபனத்தின் தலைவர் ஹட்சன் சமரசிங்க கேள்வி எழுப்புகையில், வெளிநாடுகளில் வாழும் இலங்கையர்களுக்கு மாத்திரமா டொலர்களில் வீடுகள் விற்கப்படுகிறதா?

இதற்கு பதிலளித்த நகர அபிவிருத்தி அதிகார சபையின் பணிப்பாளர் நாயகம் பிரசாத் ரணவீர, உள்நாட்டிலும் வெளிநாட்டிலும் உள்ள அனைத்து மக்களும் வீடுகளைப் பெற முடியும்.

ஊடக அமைச்சின் செயலாளர் அனுஷ பல்பிட்ட கேள்வி எழுப்புகையில்,ஊடகவியலாளர்களுக்கு வீட்டுத்திட்டம் வழங்கும் வேலைத்திட்டம் என்ன?

இதற்கு பதிலளித்த நகர அபிவிருத்தி மற்றும் வீடமைப்பு அமைச்சின் செயலாளர் பிரதீப் ரத்நாயக்க, அதற்கான வேலைத்திட்டம் ஏற்கனவே நடைமுறையில் உள்ளது என்றார்.