மாயமில்லை மந்திரமில்லை, மெய்நிகர் யதார்த்த (Virtual Reality) தொழில்நுட்பத்தை பயன்படுத்தி 2016 ஆண்டில் இனம் காணப்படாத நோயினால் பாதிக்கப்பட்டு மரணமடைந்த தனது மகள் நயோனை அவரது தாய்க்கு சந்திக்கச் செய்துள்ளது கொரியாவைச் சேர்ந்த MBC நிறுவனம்.
இந்நிகழ்வு தாய் மகளை வெறுமனே சந்திப்பது மட்டுமன்றி தொடு உணர் கையுறைகள் மூலம் தொட்டு உணரும் வாய்ப்பபையும் அவருடன் உரையாடும் வாய்ப்பபையும் ஏற்படுத்தியுள்ளது.
இதன்போது அந்த தாயின் அன்பு வெளிப்படுத்தலை ஆவணப்படமாக ”Meeting You" தொலைக்காட்சி நிகழ்ச்சியில் ஒளிபரப்பப்பட்டுள்ளது.
அவளை சந்திக்கும் தாய் 'ஓ மை பியூட்டி, நான் உன்னைத் தவற விட்டேன்' என்று தமது வேதனையை வெளிப்படுத்துகின்றார். தன் மகளின் நிழலைப் பார்க்கும் தாய் ஜாங்-ஜி-சங், மகள் நயோனை தொட முயற்சிக்கிறார்.
இந்த அனுபவம் குறித்து தெரிவித்த தாயாரான ஜாங், “இது எனது கனவு. அந்த கனவை நான் அனுபவித்து விட்டேன்” என தெரிவித்துள்ளார்.
இருப்பினும், இந்த அனுபவம் உளவியல் ரீதியாக நன்மை பயக்கும் என்று தோன்றினாலும், பொழுதுபோக்கு நோக்கத்திற்காக தொலைக்காட்சியில் ஒரு 'தீவிர உளவியல் பரிசோதனையை' மேற்கொள்வது குறித்து நிபுணர்கள் எச்சரித்துள்ளனர்.
No comments:
Post a Comment