குசல் ஜனித் பெரேரா வந்ததால் நிரோஷன் திக்­வெல்ல இறுதி அணியில் இடம்பெறவில்லை.

சுதந்­திரக் கிண்ண முத்­த­ரப்பு இரு­ப­துக்கு 20 தொட­ருக்­கான இறுதி இலங்கை அணி அறி­விக்­கப்­பட்­டுள்­ளது. அந்­த­வ­கையில் இலங்கை அணியின் விக்கெட் காப்­பா­ளரும் துடுப்­பாட்ட வீர­ரு­மான நிரோஷன் திக்­வெல்ல இறுதி 15 பேர் கொண்ட அணியில் இடம்­பெ­ற­வில்லை. ஆனால் கடந்த சில தொடர்­களில் ஆடாமல் இருந்த குசல் ஜனித் பெரேரா காயத்­தி­லி­ருந்து மீண்டு வந்து மீண்டும் அணியில் இடம்பிடித்­துள்ளார்.

இலங்கை - இந்­தியா - பங்­க­ளாதேஷ் ஆகிய மூன்று நாடுகள் மோதும் சுதந்­திரக் கிண்ண இரு­ப­துக்கு 20 கிரிக்கெட் தொடர் எதிர்வரும் செவ்­வாய்க்­கி­ழமை கொழும்பு ஆர்.பிரே­ம­தாச சர்­வ­தேச கிரிக்கெட் அரங்கில் ஆரம்­ப­மா­க­வுள்­ளது. இத் தொடரின் முத­லா­வது போட்டியில் இலங்­கையும் இந்­தி­யாவும் பலப்­ப­ரீட்சை நடத்துகின்றன.

இத் தொட­ருக்­கான இரு­பது பேர் கொண்ட உத்­தேச அணி­யொன்று கடந்த செவ்­வாய்க்­கி­ழமை அறி­விக்­கப்­பட்­டது. அந்த வீரர்கள் பட்டியல் விளை­யாட்­டுத்­துறை அமைச்­சரின் அனு­ம­திக்­காக அனுப்பி ­வைக்கப்பட்­டி­ருந்­தது. இந்­நி­லையில் நேற்­று­முன்­தினம் இரவு 15 பேர் கொண்ட இறுதி அணியை இலங்கைக் கிரிக்கெட் நிறுவனம் அறி­வித்­தது.

அதன்­படி முதலில் இரு­பது பேர் கொண்ட அணியில் இடம்பெற்றிருந்த நிரோஷன் திக்­வெல்ல இறுதி அணியில் இடம்பெறவில்லை. அத்­தோடு குசல் ஜனித் பெரேரா அந்த இடத்தைப் பிடித்­துள்ளார். அதி­ரடி ஆட்­டக்­கா­ரர்­க­ளான இரு­வரும் விக்கெட் காப்­பா­ளர்கள் என்­பதும் விசேட அம்­ச­மாகும்.

அந்­த­ வ­கையில் அறி­விக்­கப்­பட்­டுள்ள இறுதி 15 பேர் கொண்ட அணியில் தினேஷ் சந்­திமால் (அணித் தலைவர்), உபுல் தரங்க, தனுஷ்க குண­தி­லக, குசல் மெண்டிஸ், தசுன் சானக்க, குசல் ஜனித் பெரேரா, திஸர பெரேரா, ஜீவன் மெண்டிஸ், சுரங்க லக்மால் (உப தலைவர்), இசுரு உதான, அகில தனஞ்சய, அமில அபொன்சோ, நுவன் பிரதீப், துஷ்மந்த சமீர, தனஞ்சய டி சில்வா ஆகியோர் இடம்பெற்றுள்ளனர்.