நாட்டில் ஆண்டுதோறும் 1,45,000 உயிரிழப்புகளில் 12,000 பேர் விபத்துகளால் மரணம் - சுகாதார அமைச்சு தெரிவிப்பு

நாட்டில் ஆண்டுதோறும் இடம்பெறும் சுமார் 1,45,000 உயிரிழப்புகளில் 12,000 பேர் வரை விபத்துகளால் மரணமடைகின்றனர் என சுகாதார அமைச்சு தெரிவித்துள்ளது.

அதன்படி ஒவ்வொரு மாதமும் சுமார் 1,000 பேர் இவ்வாறு உயிரிழப்பதாகவும் ஒவ்வொரு 3 மணி நேரத்திற்கும் குறைந்தது 4 பேர் விபத்துக்களில் மரணிப்பதாகவும் அந்த அமைச்சு தெரிவித்துள்ளது.

தேசிய விபத்து தடுப்பு வாரம் இன்று 7ஆம் திகதி முதல் 11 ஆம் தேதி வரை செயல்படுத்தப்படவுள்ளது.

7ஆம் திகதி வீதி விபத்து தடுப்பு நாளாகவும் ஜூலை 8 ஆம் திகதி பணியிட விபத்து தடுப்பு நாளாகவும் 9 ஆம் திகதி வீடு மற்றும் முதியோர் இல்ல விபத்து தடுப்பு நாளாகவும், ஜூலை 10 ஆம் திகதி நீரில் மூழ்கும் விபத்துக்களைத் தடுக்கும் நாளாகவும், ஜூலை 11 ஆம் திகதி பள்ளிகள், முன்பள்ளிகள் மற்றும் பகல்நேர பராமரிப்பு மையங்களில் விபத்துகளைத் தடுப்பதற்கான நாளாகவும் சுகாதார அமைச்சு இந்த தினங்களை அறிவித்துள்ளது.

இந்த விபத்து தடுப்பு தொடர்பில் பொதுமக்களுக்கு விழிப்புணர்வு ஏற்படுத்துதல், விபத்துகள் ஏற்படக்கூடிய பல்வேறு இடங்களை ஆய்வு செய்தல் மற்றும் எதிர்காலத்தில் விபத்து அபாயத்தைக் குறைக்க குறுகிய, நடுத்தர மற்றும் நீண்ட கால நடவடிக்கைகளை எடுக்கவும் இதன் மூலம் எதிர்பார்க்கப்படுகிறது.

ஒவ்வொரு ஆண்டும், நாட்டின் மக்கள் தொகையில் ஏழு பேரில் ஒருவர் மருத்துவ சிகிச்சையில் சிக்கிக் கொள்கிறார்கள் என்றும் சுகாதாரம் அமைச்சு தெரிவிக்கின்றது.

திடீர் விபத்தில் பாதிக்கப்பட்டவர்களில் பெரும்பாலோர் நடுத்தர வயதுடையவர்கள் என்றும் அதன்படி, 15 – 44 வயதுக்குட்பட்டவர்கள் அதிக விபத்துக்களுக்கு முகம்கொடுப்பதுடன், விபத்துகளும் இறப்புகளுக்கு காரணமாக அமைவதாக அமைச்சு சுட்டிக்காட்டியுள்ளது.

சிகிச்சைக்காக மருத்துவமனைகளுக்கு செல்லும் நோயாளிகளில் ஆண்டுதோறும் 2,500 - 3,000 பேர் வரை இறக்கின்றனர். ஏற்படும் இறப்புகள், வைத்தியசாலைகளில் இடம்பெறும் இறப்புக்களில் 10வது முக்கிய காரணம் என்றும் அமைச்சு சுட்டிக்காட்டியுள்ளது.

இதுபோன்ற விபத்துகளால் 7,500 - 8,000 க்கும் மேற்பட்ட இறப்புகள் மருத்துவமனைகளுக்கு செல்லும் முன்பே நிகழ்கின்றன என்றும் அமைச்சு சுட்டிக்காட்டியுள்ளது.

மேலும் ஆண்டுதோறும் தற்கொலைகள் காரணமாக 3,000க்கும் மேற்பட்ட உயிர்கள் இழக்கப்படுதல், நீரில் மூழ்குதல், பல்வேறு பொருட்கள் விஷமாகுதல், விலங்கு கடித்தல், விலங்கு தாக்குதல்கள், தாக்குதல்கள் மற்றும் கொலைகள் ஆகியவற்றால் ஆயிரக்கணக்கான உயிர்கள் இழக்கப்படுகின்றன என்றும் சுகாதார அமைச்சு மேலும் தெரிவித்துள்ளது.