இலங்கையில் இஸ்ரேலியர்களால் நிறுவப்பட்டுள்ள யூத மத ‘சபாத்’ மையங்களுக்கு அச்சுறுத்தல் நிலவி வருவதால் 24 மணி நேர பாதுகாப்பு வழங்க நடவடிக்கை எடுத்துள்ளதாக பொலிஸ் ஊடகப் பிரிவு தெரிவித்துள்ளது.
நாட்டில் வசிக்கும் இஸ்ரேலிய பிரஜைகளின் மத, பொழுதுபோக்கு மற்றும் உணவு மற்றும் பான நடவடிக்கைகளுக்காக நிறுவப்பட்டுள்ள சபாத் மையங்களின் பாதுகாப்பு குறித்து, நேற்றையதினம் விடுத்த விசேட அறிக்கையிலேயே இவ்வாறு தெரிவிக்கப்பட்டுள்ளது.
அந்த அறிக்கையின்படி, நாட்டின் பல மாவட்டங்களில் அமைந்துள்ள சபாத் மையங்களுக்கு 24 மணி நேர பாதுகாப்பு வழங்க ஏற்கனவே அவசர நடவடிக்கைகள் எடுக்கப்பட்டுள்ளதாக கூறப்படுகிறது.
இதனால் குறித்த சபாத் மையங்களுக்கு ஏற்படக்கூடிய அச்சுறுத்தல்கள் அடையாளம் காணப்படுகின்றன என அறிக்கையில் கூறப்பட்டுள்ளது.
இந்த பாதுகாப்பு ஏற்பாடுகளின் கீழ், சபாத் மையங்களுக்கு வருகை தரும் இஸ்ரேலிய பிரஜைகள் பாதுகாப்பான சூழலில் தங்கள் மத மற்றும் கலாச்சார நடவடிக்கைகளில் ஈடுபட வாய்ப்பு வழங்கப்பட்டுள்ளது.
மேலும் அந்த இடங்களின் பாதுகாப்பை மேலும் உறுதி செய்வதற்காக தொடர்ச்சியான கண்காணிப்பு மேற்கொள்ளப்படும் என்று பொலிஸ் தரப்பு கூறுகிறது.
அத்துடன், நாட்டில் வசிக்கும் எந்தவொரு வெளிநாட்டினரின் பாதுகாப்பிற்கும் ஏதேனும் அச்சுறுத்தல் இருந்தால், அச்சுறுத்தல்களை மதிப்பிட்டு தேவையான பாதுகாப்பு நடவடிக்கைகளை எடுக்க இலங்கை பொலிஸ் தரப்பு தயாராக உள்ளது என்றும் அந்த அறிக்கையில் மேலும் கூறப்பட்டுள்ளது.
இதன் மூலம், வெளிநாட்டினர் இலங்கையில் பாதுகாப்பாக தங்குவதற்கு தேவையான சூழலை உருவாக்க தாம் உறுதிபூண்டுள்ளதாக பொலிஸ் தரப்பு வலியுறுத்தியுள்ளது.
Vidivelli
No comments:
Post a Comment