இலங்கையின் பிரபல தொழிலதிபர்கள் கென் பாலேந்திரா, ஹெரி ஜயவர்தன காலமானார்கள்

கென் பாலேந்திரா என்று எல்லோராலும் அறியப்பட்ட இலங்கையின் பிரபல தொழிலதிபர் கந்தையா பாலேந்திரா தனது 85ஆவது வயதில் காலமானார்.

ஜோன் கீல்ஸ் குழுமத்தின் தலைவராக திகழ்ந்து வர்த்தகத்துறையில் கொடிகட்டி பறந்த கென் பாலேந்திரா, இலங்கையின் முன்னணி பெரு நிறுவனங்களின் பணிப்பாளர் சபைகளிலும் இருந்துள்ளார்.

அத்தோடு, இலங்கையின் மற்றுமொரு பிரபல தொழிலதிபரான ஹெரி ஜயவர்தன தனது 82ஆவது வயதில் காலமானார்.

ஹெரி ஜயவர்தன என்று பிரபலமாக அறியப்படும் டொன் ஹரோல்ட் ஸ்டாசன் ஜயவர்தன, Melstacorp PLC இன் தலைவராகவும், டென்மார்க்கிற்கான இலங்கை தூதுவராகவும் பணியாற்றியுள்ளார்.

இலங்கையின் பணக்காரர்களில் ஒருவராக ஜயவர்தனவை Forbes பட்டியலிட்டிருந்தது.

அமெரிக்காவிற்கு வெளியே சிறப்பாக நிர்வகிக்கப்படும் நிறுவனங்களின் Forbes பட்டியலில் பட்டியலிடப்பட்ட முதல் இலங்கை நிறுவனங்களான Distilleries Company of Sri Lanka மற்றும் Aitken Spence ஆகிய இரண்டின் தலைவராகவும் ஜயவர்தன பணியாற்றியுள்ளமை குறிப்பிடத்தக்கது.