ஊடக செய்திகளில் உண்மையில்லை; நாட்டில் எரிவாயுவுக்கு எவ்வித தட்டுப்பாடும் இல்லை

எரிவாயு தட்டுப்பாடு தொடர்பில் சில ஊடகங்கள் வெளியிட்ட செய்திகள் பொய்யானவை எனவும் லிற்றோ எரிவாயு நிறுவனம் வழமை போன்று கையிருப்பை சந்தைக்கு வெளியிடுவதாகவும் நிறுவனத்தின் தலைவர் முதித பீரிஸ் தெரிவித்துள்ளார். 

“லிற்றோ எரிவாயு நிறுவனம் என்ற முறையில் நாங்கள் வழக்கம் போல் பங்குகளை சந்தைக்கு வெளியிடுகிறோம். லிட்ரோ கேஸ் நிறுவனத்தில் போதுமான அளவு இருப்பு உள்ளது. 

எனவே எரிவாயு தட்டுப்பாடு ஏற்படும் என்று கூட நாங்கள் கருதவில்லை. போதுமான அளவு எரிவாயு கையிருப்பு இருப்பதாகவும், போதுமான அளவு இருப்புக்களை வெளியிடுகிறோம் என்றும் பொறுப்புடன் கூறுகிறோம்.

எரிவாயு தட்டுப்பாடு பற்றி எங்களுக்குத் தெரியாது. சில சமயங்களில் யாரோ ஒருவர் உருவாக்கிய வதந்தியா என்று எனக்குத் தெரியாது. அதாவது சில டீலர்களிடம் செல்லும் போது அங்கு கேஸ் இல்லை என்றால் தட்டுப்பாடு என்று விளக்கம் தருவது ஏன் என்று தெரியவில்லை.

தொடர்ந்து நாம் எரிவாயுவை விநியோகித்து வருகிறோம். எனவே, அவர்கள் கற்பனையில் பற்றாக்குறை பற்றி பேசுகிறார்களா என்று எனக்குத் தெரியவில்லை. இல்லையெனில், கேஸ் தட்டுப்பாடு ஏற்படுவதாக வெளிவரும் செய்தியை ஏற்க முடியாது என்றார்.