கவிஞர் அஹ்னாப் ஜசீம் வழக்கு விசாரணைகள் பிற்போடப்பட்டன : உயர் நீதிமன்றம் சட்டமா அதிபருக்கு கால அவகாசம் - News View

Breaking

Post Top Ad

Saturday, July 10, 2021

கவிஞர் அஹ்னாப் ஜசீம் வழக்கு விசாரணைகள் பிற்போடப்பட்டன : உயர் நீதிமன்றம் சட்டமா அதிபருக்கு கால அவகாசம்

கவிஞர் அஹ்னாப் ஜசீ­மிற்கு எதி­ரான வழக்கு கொழும்பு பிர­தான நீதவான் நீதி­மன்­றத்தில் கடந்த செவ்­வாய்­க்கி­ழமை விசா­ர­ணைக்கு எழுத்­துக்­ கொள்­ளப்­பட்ட நிலையில், விசா­ர­ணைகள் எதிர்­வரும் 13 ஆம் திக­தி­ வரை (செவ்­வாய்­கி­ழமை) பிற்­போ­டப்­பட்­டுள்­ளன. 

அஹ்னாப் ஜசீமை பயங்­க­ர­வா­த த­டைச்­சட்­டத்தின் 7(1) அல்­லது 7(2) ஆகிய சரத்­துக்­களில் எதன் கீழ் நீதிவான் முன்­னிலையில் ஆஜர்படுத்­து­வது என்­பது குறித்த தெளி­வைப்­ பெறல் மற்றும் அஹ்னாப் ஜசீ­மிற்கு எதி­ரான ஆதா­ரங்­களின் சுருக்­கத்தை சமர்ப்பித்தல் ஆகி­ய­வற்­றுக்­காக அவர் கடந்த செவ்­வாய்­க்கி­ழமை கொழும்பு பிர­தான நீதவான் நீதி­மன்­றத்தில் ஆஜர்படுத்தப்பட்டிருந்தார்.

இதன்­போது எதிர்­வரும் 10 ஆம் திக­தி­யி­லி­ருந்து (சனிக்­கி­ழமை) சிறைச்­சா­லை­க­ளுக்கு கைதி­களின் உற­வி­னர்கள் உள்­ளிட்ட தரப்பின­ரதும் வரு­கைகள் மற்றும் பார்­வை­யிடல் என்­பன இடைநிறுத்­தப்­ப­டு­வது குறித்த அறிக்கை சிறைச்­சாலை அதிகாரியினால் நீதிமன்றில் சமர்ப்­பிக்­கப்­பட்­டது. 

குறித்த அறிக்­கையில் சட்­டத்­த­ர­ணிகள் தமது தரப்பு கைதி­களை அரை­ம­ணித்­தி­யாலம் வரையில் சந்­திப்­ப­தற்கு சுகா­தார சேவைகள் பணிப்­பாளர் நாய­கத்­தினால் அனு­ம­தி­ய­ளிக்­கப்­பட்­டுள்­ளமை தொடர்­பான விப­ரங்­களும் இணைக்­கப்­பட்­டி­ருந்­தன.

இதே­வேளை, அஹ்­னாபை, பயங்­க­ர­வாத புல­னாய்வுப் பிரிவில் நீண்ட ­காலம் தடுத்து வைத்­தமை தொடர்­பி­லான விவ­கா­ரத்தில், தமது மட்டுப்­ப­டுத்­தப்­பட்ட ஆட்­சே­ப­னை­களை அடுத்து வரும் இரு வாரங்களுக்குள் நீதி­மன்­றுக்கு அரி­விக்­கு­மாறு உயர் நீதி­மன்றம் சட்டமா அதி­ப­ருக்கு அறி­வித்­தது.

அஹ்­னாபின் கைதும் தடுப்புக் காவலும் சட்ட விரோ­த­மா­னது எனக் கூறி உயர் நீதி­மன்றில் தாக்கல் செய்­யப்பட்­டுள்ள அடிப்­படை உரிமை மீறல் மனு கடந்த திங்­க­ளன்று பரி­சீ­ல­னைக்கு வந்த போது, நீதி­மன்றம் இதனை அறி­வித்­தது.

அன்­றையதினம் குறித்த மனு மீதான பரி­சீ­ல­னைகள் உயர் நீதி­மன்ற நீதி­யரசர் ப்ரீத்தி பத்மன் சுர­சேன, எஸ், துறை ராஜா மற்றும் ஜனக் டி சில்வா ஆகியோர் அடங்­கிய நீதி­யரசர்கள் குழாம் முன்­னி­லையில் பரி­சீ­லிக்­கப்­பட்­டது.

அதன்­ பின்னர் மன்றில் விட­யங்­களை முன் வைத்த சிரேஷ்ட பிரதி சொலி­சிட்டர் ஜெனரால் நரின் புள்ளே, குறித்த மனு தொடர்பில் தமக்கு மட்­டுப்­ப­டுத்­தப்பட்ட ஆட்­சே­ப­னைகள் இருப்­ப­தாக கூறினார். அதனை முன் வைக்க அவ­காசம் வழங்க வேண்டும் என குறிப்­பிட்ட அவர், தற்­போது அஹ்னாப் ஜசீம் நீதி­மன்றில் ஆஜர் செய்­யப்­பட்டு விளக்­க­ம­றி­யலில் வைக்­கப்­பட்­டுள்­ள­தாக குறிப்­பிட்டார்.

இதன்­போது அஹ்னாப் ஜசீம் சார்பில் மன்றில் ஆஜ­ரான ஜனா­தி­பதி சட்­டத்­த­ரணி கணக ஈஸ்­வரன், அஹ்னாப் ஜசீம் கைது செய்யப்பட்டபோது, அர­சியல் அமைப்பின் 19 ஆவது திருத்தம் அமுலில் இருந்­தது. அதன் பிர­காரம் ஜனா­தி­பதி அஹ்­னாபை தடுத்து வைக்க தடுப்புக் காவல் உத்­த­ரவில் ஜனா­தி­பதி கையெழுத்திட்டுள்ளமை சட்ட விரோ­த­மா­னது. அந்த தவறை விளக்க­ம­றியல் ஊடாக சரி செய்ய முடி­யாது. அவர் விடு­விக்­கப்­பட வேண்டும் என அவர் சுட்­டிக்­காட்­டினார். 

அத்­துடன் சட்டமா அதி­பரின் மட்­டுப்­ப­டுத்­தப்­பட்ட ஆட்சேபனைகளை ஆராய்ந்து அதற்கு பதி­ல­ளிக்­கவும் தயார் என குறிப்­பிட்டார்.

இந்நிலை­யி­லேயே விட­யங்­களை ஆராய்ந்த உயர் நீதி­மன்றம் சட்டமா அதிபருக்கு மட்டுப்படுத்தப்பட்ட ஆட்சேபனைகளை முன் வைக்க இரு வார கால அவகாசம் வழங்கியதுடன், அதிலிருந்து ஒரு வாரம் முறைப்பாட்டாளர் தரப்புக்கு பதில் வாதங்களை முன் வைக்க சந்தர்ப்பம் அளித்தது, அதன்படி மனு மீதான மேலதிக பரிசீலனைகள் எதிர்வரும், ஆகஸ்ட் 4 ஆம் திகதிக்கு ஒத்தி வைக்கப்பட்டுள்ளன.

Vidivelli

No comments:

Post a Comment

Post Bottom Ad