செவ்வாய் கிரகத்தில் வெற்றிகரமாக தரையிறங்கியது நாசாவின் ‘பெர்சிவரன்ஸ்’ விண்கலம் - வாழ்த்துக்களையும், பாராட்டுக்களையும் தெரிவித்தார் அமெரிக்க ஜனாதிபதி ஜோ பைடன்

நாசாவின் ‘பெர்சிவரன்ஸ்’ விண்கலம் செவ்வாய் கிரகத்தில் வெற்றிகரமாக தரையிறங்கியுள்ளது.

செவ்வாய் கிரகத்தில் பழங்காலத்தில் உயிரினங்கள் இருந்ததா என்பது பற்றிய ஆய்வுக்காக அமெரிக்க விண்வெளி ஆராய்ச்சி நிறுவனமான நாசா, ‘பெர்சிவரன்ஸ்’ என்ற ரோவர் விண்கலத்தை செவ்வாய் கிரகத்துக்கு அனுப்பி வைத்தது.

கடந்த ஆண்டு ஜூலை 30ஆம் திகதி நாசா விஞ்ஞானிகள், இந்த விண்கலத்தை செவ்வாய் கிரகத்துக்கு அனுப்பினர். செவ்வாயின் மேற்பரப்பில் உள்ள மண், கல் மற்றும் பாறைகளை ஆய்வு செய்ய இந்த விண்கலம் அனுப்பப்பட்டது.

இந்தநிலையில், செவ்வாய் கிரகத்தின் வெளிப்பரப்பை, விண்கலம் நேற்று நெருங்கியதால் விஞ்ஞானிகள் மிகுந்த எதிர்பார்ப்பில் இருந்தனர். 

இதையடுத்து ‘பெர்சிவரன்ஸ்’ விண்கலம் அனுப்பிய தகவலின்படி, அது தற்போது வெற்றிகரமாக செவ்வாய் கிரகத்தில் தரையிறங்கி விட்டது என்று தெரியவந்தது.

நாசாவின் பெர்சிவரன்ஸ் ரோவர் (Perseverance rover) விடா முயற்சியின் விளைவாக செவ்வாய் கிரகத்தின் மேற்பரப்பில் தரையிறக்கப்பட்டுள்ளது.

வேறொரு உலகத்திற்கு அனுப்பப்பட்ட மிக முன்னேறிய வானியல் ஆய்வகம், வியாழக்கிழமை செவ்வாய் வளிமண்டலத்தின் வழியாக ஓடி, ஒரு பரந்த பள்ளத்தின் தரையில் பாதுகாப்பாக தரையிறங்கியது என்று நாசா தெரிவித்துள்ளது.

இது சிவப்பு கிரகத்தின் பண்டைய நுண்ணுயிர் வாழ்வின் தடயங்களைத் தேடுவதற்கான முதல் நிறுத்தமாகும் .

பெர்சிவரன்ஸ் ரோவர் ஜி.எம்.டி நேரப்படி சரியாக வியழக்கிழமை இரவு 20.55 செவ்வாயில் தரையிறங்கியது. செவ்வாயின் மேற்பரப்பிலிருந்து புதிய ரோவர் எடுத்த முதல் புகைப்படத்தையும் பெர்சிவரன்ஸ் ரோவர் அனுப்பியுள்ளது.

பெர்சவரன்ஸ் ரோவர், அடுத்த இரண்டு ஆண்டுகளுக்கு செவ்வாய் கிரகத்தின் பாறைகளைத் துளையிடுவது மற்றும் அக்கோளில் முன்பு உயிரினங்கள் வாழ்ந்திருந்ததற்கான ஆதாரங்களைத் தேடும் என நாசா தெரிவித்துள்ளது.

செவ்வாயின் ஜெசெரோ பகுதியில் பல கோடி ஆண்டுகளுக்கு முன்னதாக, ஒரு பெரிய ஏரி இருந்ததாகவும், அதில் நீர் இருந்ததாகவும் கருதப்படுகிறது. எனவே அப்பகுதியில் உயிரினங்கள் வாழ்திருப்பதற்கான சாத்தியக்கூறுகள் இருக்கலாம் எனக் கருதப்படுகிறது.

இந்த ரோவர் செவ்வாயின் மேற்பரப்பை வெற்றிகரமாக அடைந்த செய்தியை நாசா புரொபல்சன் லேபராட்டரி வழிநடத்தும் குழு தலைவர் ஸ்வாதி மோகன் உறுதி செய்தார்.

ரோவர் தரையிறங்கியது உறுதியானதும், கலிஃபோர்னியாவில் நாசாவின் திட்டக் கட்டுப்பாட்டு அறையில் இருந்த பொறியாளர்கள் கைதட்டல்களிலும் ஆரவாரத்துடனும் மகிழ்ச்சியை வெளிப்படுத்தினர்.

இது குறித்த தனது டுவிட்டர் பதிவில் வாழ்த்துக்களையும் பாராட்டுக்களையும் தெரிவித்துள்ள அமெரிக்க ஜனாதிபதி ஜோ பைடன், நாசாவிற்கும், கடின உழைப்பால் விடாமுயற்சியின் வரலாற்று தரையிறக்கத்தை சாத்தியமாக்கிய அனைவருக்கும் வாழ்த்துக்கள். 

விஞ்ஞானத்தின் சக்தி மற்றும் அமெரிக்க புத்தி கூர்மை ஆகியவற்றுடன், எதுவும் சாத்தியக்கூறுக்கு அப்பாற்பட்டது என்பதை இன்று மீண்டும் நிரூபித்தது.