அதிரும் அமெரிக்கா - கொரோனா பலி எண்ணிக்கை 1.10 லட்சத்தை கடந்தது

அமெரிக்காவில் கொரோனா வைரஸ் தொற்றில் சிக்கி உயிரிழந்தோர் எண்ணிக்கை 1.10 லட்சத்தைத் தாண்டியது.

உலகை அச்சுறுத்தும் கொரோனா வைரஸ் அமெரிக்காவில் கோரத் தாண்டவம் ஆடி வருகிறது. கொரோனாவால் அதிகம் பாதிக்கப்பட்ட நாடுகள் வரிசையில் அமெரிக்கா முதல் இடத்தில் உள்ளது. 

இந்நிலையில், அமெரிக்காவில் கொரோனா வைரஸ் தொற்றில் சிக்கி பலியானோர் எண்ணிக்கை 1.10 லட்சத்தைத் தாண்டியது.

அமெரிக்காவில் கடந்த 24 மணி நேரத்தில் கொரோனாவால் பாதிப்பு அடைந்தோர் எண்ணிக்கை 22 ஆயிரத்தை நெருங்கியுள்ளது. இதன்மூலம் அங்கு வைரஸ் தொற்றால் பாதிக்கப்பட்டோர் எண்ணிக்கை 19 லட்சத்து 23 ஆயிரத்தைக் கடந்துள்ளது.

மேலும், கொரோனா தொற்றில் இருந்து 7 லட்சத்து 7 ஆயிரத்துக்கும் மேற்பட்டோர் குணமடைந்துள்ளனர்.