ஹஜ் ஒப்பந்தத்தில் கைச்சாத்திட்ட இலங்கை

புனித ஹஜ் கட­மை­யினை இலங்கை யாத்­தி­ரீ­கர்கள் இந்த வருடம் மேற்­கொள்­வ­தற்­கான ஒப்­பந்­தத்தில் இலங்கை அர­சாங்கம் கடந்த சனிக்­கி­ழமை கைச்­சாத்­திட்­டுள்­ளது.

இலங்கை சார்­பாக புத்­த­சா­சன, சமய விவ­கார மற்றும் கலா­சார அலுவல்கள் அமைச்சர் கலா­நிதி ஹினி­தும சுனில் சென­வியும் சவூதி அரே­பியா சார்பில் அந்­நாட்டின் ஹஜ் மற்றும் உம்ரா விவகாரங்களுக்கான பிரதி அமைச்சர் கலா­நிதி அப்­துல்­பத்தா பின் சுலைமான் மஷாத் ஆகியோர் இந்த ஒப்­பந்­தத்தில் கைச்சாத்திட்டனர்.

இலங்கை ஹஜ் யாத்­தி­ரீ­கர்­க­ளுக்கு சிறப்­பான சேவை­யினை வழங்கும் பொருட்டே இந்த ஒப்­பந்தம் கைச்­சாத்­தி­டப்­பட்­டுள்­ளமை குறிப்­பி­டத்­தக்­கது. 

ஹஜ் யாத்­தி­ரிகை தொடர்பில் எதிர்­கா­லத்தில் இலங்கை மேற்கொள்ள­வுள்ள செயற் திட்­டங்கள் தொடர்பில் சமய விவ­கார அமைச்சர் சவூதி அரே­பிய அதி­கா­ரி­க­ளுக்கு தெளி­வு­ப­டுத்­தி­யுள்ளார்.

இந்த ஒப்­பந்த கைச்­சாத்து நிகழ்வில் தேசிய ஒரு­மைப்­பாட்டு பிரதி அமைச்சர் முனீர் முழப்பர், சவூதி அரே­பி­யா­விற்­கான இலங்கை தூதுவர் அமீர் அஜ்வத், முஸ்லிம் சமய பண்­பாட்­ட­லு­வல்கள் திணைக்கள பணிப்­பாளர் எம்.எஸ்.எம். நவாஸ் மற்றும் ஜித்தாவிலுள்ள இலங்­கையின் பதில் கொன்­சி­யூலர் ஜெனரல் மபூஸா லாபீர் ஆகியோர் கலந்­து­கொண்­டனர்.

இந்த விஜ­யத்தின்போது, ஹஜ் யாத்­தி­ரை காலப்பகு­தியில் சேவைகளை வழங்கும் நிறு­வ­னங்­களின் பிர­தி­நி­தி­க­ளு­டனும் புத்தசா­சன, சமய விவ­கார மற்றும் கலா­சார அலுவல் அமைச்சர் கலா­நிதி ஹினி­தும சுனில் செனவி பேச்சு நடத்­தி­யுள்ளார்.

ஜித்­தா­வி­லுள்ள இலங்கை கொன்­சி­யூலர் அலு­வ­ல­கத்தில் நடை­பெற்ற இந்த சந்­திப்பில் இலங்­கை­யி­லி­ருந்து இந்த வருடம் வர­வுள்ள 3,500 ஹஜ் யாத்திரிகர்­க­ளுக்கும் நிறை­வான மற்றும் சிறப்­பான சேவை­யினை வழங்­கு­வது தொடர்பில் விரி­வாக கலந்­து­ரை­யா­டப்­பட்­டுள்­ளது.

அதே­வேளை, இலங்கை யாத்­தி­ரி­கர்­க­ளுக்கு மேற்­படி சேவை வழங்குனர்­க­ளினால் வழங்கப்படவுள்ள சேவைகள் தொடர்பிலும் இதன்போது விளக்கமளிக்கப்பட்டது இலங்கை தூதுக் குழுவினருடன் ஹஜ் குழுவின் தலைவர் றியாஸ் மிஹ்லாரும் இந்த சந்திப்பில் பங்கேற்றிருந்தார்.

Vidivelli