வஹாபிஸம் தொடர்பில் பிழையான புரிதலுடன் நீதியமைச்சர் பேசுகிறார்

வஹா­பிஸம் தொடர்­பாக பிழை­யான புரிதலுடன் நீதி­ய­மைச்சர் விஜய­தாஷ ராஜ­பக்ஸ பேசு­வ­தாக அகில இலங்கை ஜம்­இய்­யதுல் உலமா சபை தெரி­வித்­துள்­ளது.

அத்­துடன், ஐ.எஸ்.ஐ.எஸ். அமைப்­புக்கும் இஸ்­லாத்­துக்கும் எவ்­வித தொடர்பும் இல்லை என்­பது தொடர்பில் தாம் ஏற்­க­னவே நீதியமைச்சருக்கு விளக்­க­ம­ளித்­தி­ருக்­கின்றோம் என்றும் ஜம்­இ­யதுல் உலமா தெரி­வித்­துள்­ளது.

கடந்த வெள்­ளிக்­கி­ழமை பாரா­ளு­மன்­றத்தில் இடம்­பெற்ற விவாதத்தின்­போது வஹா­பிஸம் தொடர்பில் நீதி­ய­மைச்சர் விஜயதாஸ ராஜ­பக்ஸ கருத்து வெளி­யிட்­டி­ருந்தார்.

இது குறித்து நாம் ஜம்­இய்­யதுல் உலமா சபை­யிடம் வின­வி­ய­போதே அதன் ஊடகப் பிரிவு இவ்­வாறு தெரி­வித்­தது.

இது தொடர்பில் மேலும் தெரி­வித்­த­தா­வது, 2016 ஆம் ஆண்டு நீதியமைச்­ச­ராக இருந்த விஜ­ய­தாஸ ராஜ­பக்­ஸவை (தற்­போதும் நீதிய­மைச்சர்) நாங்கள் சந்­தித்து ஐ.எஸ்.ஐ.எஸ்.அமைப்­புக்கும் இஸ்லாத்­திற்கும் எவ்­வித தொடர்பும் இல்யை என்­பதை விளக்கியிருந்தோம். அதில் இளை­ஞர்கள் இணை­வதை தடுக்க வழிகளை மேற்­கொள்­ளு­மாறு நாம் வலி­யி­றுத்­தினோம்.

அச்­சந்­திப்பு ஜம்­இய்­யதுல் உலமா மாத்­திரம் கலந்­து­கொண்ட சந்திப்பல்ல, முஸ்லிம் சிவில் அமைப்­பு­களின் பிர­தி­நி­தி­களும் கலந்துகொண்­டி­ருந்­தனர்.

இது விட­ய­மாக போதிய தெளி­வுகள் இல்­லாமல் ஐ.எஸ்.ஐ.எஸ்.தான் வஹாபிஸம் என்ற பிழையான புரிதலினால் நீதியமைச்சர் விஜயதாஸ ராஜபக்ஸ அவ்வாறு பேசியுள்ளார் எனவும் தெரிவிக்கப்பட்டது.

Vidivelli