வெளிநாடு செல்வதற்கு ஞான­சார தேர­ருக்கு நீதி­மன்றம் அனு­மதி

பொதுபல சேனாவின் பொதுச் செய­லாளர் கல­கொட அத்தே ஞானசார தேர­ருக்கு ஜப்பான் செல்ல கொழும்பு மேல­திக நீதிவான் புத்­திக ஸ்ரீஇராலக நேற்று அனு­மதி வழங்­கினார். ஜப்பான் செல்ல இன்று 6 ஆம் திகதி முதல் எதிர்வரும் 31 ஆம் திக­தி­வரை ஞான­சார தேரரின் தடை செய்­யப்பட்ட வெளி­நாட்டு பய­ணத்தை நீதிவான் இவ்­வாறு தற்­கா­லி­க­மாக நீக்­கினார்.

ஜப்பான் சுமோபா சம்­புத்த விஹா­ரையில் இடம்­பெறும் விசேட மத அனுஷ்­டா­னங்­க­ளுக்­காக செல்ல ஞான­சார தேரர் அனு­மதி கோரியிருந்த நிலை­யி­லேயே நீதிவான் நேற்று அதற்­கான அனுமதியைப் வழங்­கினார்.

குரு­ணாகல் தோர­யாய பகு­தியில், ஞான­சார தேரரைக் கைது செய்ய சென்ற திட்­ட­மிட்ட குற்­றங்­களைத் தடுக்கும் பிரிவின் பொறுப்­ப­தி­காரி பிர­தான பொலிஸ் பரி­சோ­தகர் ஜனக உள்­ளிட்ட பொலி­ஸாரின் கட­மை­க­ளுக்கு இடை­யூறு ஏற்­ப­டுத்­தி­யமை தொடர்பில், ஞான­சார தேர­ருக்கு எதி­ராக சுமத்­தப்­பட்­டி­ருந்த குற்றச்சாட்டு தொடர்பில் விசா­ர­ணைகள் இடம்­பெறும் நிலையிலேயே, அவ்­வ­ழக்கு தொடர்பில் அவ­ரது வெளி­நாட்டு பயணம் தடை செய்­யப்­பட்­டி­ருந்­தது. இந் நிலை­யி­லேயே நேற்று அத்தடை தற்­கா­லி­க­மாக நீக்­கப்பட்­டது

பொலிஸ் உத்­தி­யோ­கத்­தரின் கட­மை க்கு இடை­யூறு விளை­வித்து அச்­சு­றுத்­தி­யமை தொடர்பில் ஞான­சார தேர­ருக்கு எதி­ராக இலங்கை தண்­டனை சட்டக் கோவையின் 140,183,186,344 ஆகிய அத்தியா­யங்­களின் கீழ் குற்றச்சாட்டுக்கள் முன்வைக்கப்பட்டுள்ள நிலையில் அது தொடர்பில் விசாரணைகள் இடம் பெற்று வருகின்றமை குறிப்பிடத்தக்கது.