சபாநாயகருக்கு எதிராக நம்பிக்கையில்லா பிரேரணை? பாராளுமன்றக் குழுவின் ஊடாக சமர்ப்பிக்க பொதுஜன பெரமுன தீர்மானம்

சபாநாயகர் அசோக சபுமல் ரன்வலவுக்கு எதிராக நம்பிக்கையில்லா பிரேரணையை கொண்டு வர தீர்மானித்துள்ளதாக பொதுஜன பெரமுன தெரிவித்துள்ளது.

இன்று (12) இடம்பெற்ற ஊடகவியலாளர் சந்திப்பில் கலந்துகொண்டு கருத்து தெரிவித்த கட்சியின் பொதுச் செயலாளர் சாகர காரியவசம் இதனைத் தெரிவித்தார்.

சபாநாயகர் ஆரம்பத்தில் கலாநிதி பட்டம் மற்றும் பல்வேறு பட்டங்களை பெற்றுள்ளதாக காட்டி மக்களை ஏமாற்றியுள்ளார் என அவர் தெரிவித்துள்ளார்.

இதன்படி, சபாநாயகருக்கு எதிரான நம்பிக்கையில்லாப் பிரேரணையை தனது பாராளுமன்றக் குழுவின் ஊடாக சமர்ப்பிக்க தீர்மானித்துள்ளதாகவும், இதற்கு முழு எதிர்க்கட்சியினரும், அரசாங்கத்தின் மனசாட்சியுள்ள உறுப்பினர்களும் பங்களிப்பார்கள் என எதிர்பார்ப்பதாகவும் அவர் தெரிவித்தார்.

அவரைப் பற்றி எந்தக் கல்வித் தகுதியும் மோசடியாகத் தெரிவிக்கப்பட்டு அது தவறு என்று தெரியவந்தால், சபாநாயகர் அரசியலமைப்புச் சட்டத்தையும், நாட்டின் ஒட்டு மொத்த நிர்வாகத்தையும் மதித்து, நாட்டிலுள்ள மூன்றாவது நபரை மோசடிக்காரன் என்று குறிப்பிடாமல் உடனடியாக இந்தப் பதவியிலிருந்து விலக வேண்டும். ஆனால் துரதிர்ஷ்டவசமாக, இது முழு நாட்டிற்கும் மிகவும் தீங்கு விளைவிக்கும் என அவர் தெரிவித்தார்.