இதுவரை வெளிநாடு சென்றுள்ள 300,162 இலங்கையர்கள்

இவ்வருடத்தின் இதுவரையான காலப்பகுதிக்குள் 300,162 இலங்கையர்கள் வேலை வாய்ப்புக்காக வெளிநாடு சென்றுள்ளனர்.

இவ்வருடத்தின் ஜனவாரி மாதம் 01 ஆம் திகதியிலிருந்து நவம்பர் மாதம் 13 ஆம் திகதி வரை 300,162 இலங்கையர்கள் வேலை வாய்ப்புக்காக வெளிநாடு சென்றுள்ளதாக இலங்கை வெளிநாட்டு வேலைவாய்ப்பு பணியகம் தெரிவித்துள்ளது. அவர்களில் 177,804 ஆண்களும், 122,358 பெண்களும் உள்ளடங்குவர்.

கடந்த 2022 ஆம் ஆண்டில் 310,948 இலங்கையர்கள் வேலை வாய்ப்புக்காக வெளிநாடு சென்றுள்ளனர். இவர்களில் அதிகளவானோர் ஐக்கிய அரபு அமீரகம் இராச்சியத்திற்குச் சென்றுள்ள நிலையில் அவர்களின் எண்ணிக்கை 49,499 ஆகும்.

அதன்படி, 2024 ஆம் ஆண்டில் தென் கொரியாவுக்கு 7,002 பேரும், இஸ்ரேலுக்கு 9,211 பேரும், ருமேனியாவுக்கு 10,274 பேரும், ஜப்பானுக்கு 8,251 பேரும் வேலை வாய்ப்புக்காகச் சென்றுள்ளதாக இலங்கை வெளிநாட்டு வேலைவாய்ப்புப் பணியகம் மேலும் தெரிவித்துள்ளது.