உயிர்த்த ஞாயிறு தாக்குதல்களுக்கு மூன்று வருடங்கள் கடந்து விட்டன. இத்தாக்குதல் தொடர்பாக சர்வதேச பங்குபற்றுதலுடன் பாரபட்சமற்ற, சுயாதீனமான விசாரணை நடாத்தப்பட வேண்டுமென நாங்கள் கோரிக்கை விடுக்கிறோம் என ஐக்கிய நாடுகள் மனித உரிமைகள் பேரவையின் 54 ஆவது கூட்டத் தொடரில் உரையாற்றிய கண்டியைச் சேர்ந்த முயீஸ் வஹாப்தீன் தெரிவித்தார்.
அவர் மேலும் தெரிவிக்கையில், தாக்குதலின் பின்பு அப்பாவி முஸ்லிம்கள் கைது செய்யப்பட்டனர். அப்பாவி முஸ்லிம்கள் தொடர்ந்தும் விசாரணைகளை எதிர்கொள்ளலாம். ஐக்கிய நாடுகளின் மனித உரிமைகளுக்கான உயர்ஸ்தானிகரின் எதிர்கால அறிக்கையில் இவ்விவகாரம் தொடர்பான முன்னேற்றங்கள் தொடர்பில் தெரிவிக்கப்பட வேண்டுமென நாம் எதிர்பார்க்கிறோம்.
“ஐக்கிய நாடுகள் சபையின் மனித உரிமைகள் உயர் ஸ்தானிகரின் இலங்கையில் மனித உரிமைகள் தொடர்பான அறிக்கையை நாம் வரவேற்கிறோம். சர்வதேச சமூகம் இதில் கவனம் செலுத்த வேண்டும்.
இலங்கையின் பொருளாதார பிரச்சினை, ஊழல், அதிகார பரவலாக்கல் என்பன பற்றி பேசப்பட வேண்டியது முக்கியமானதாகும். இலங்கை அரசாங்கத்தின் அறிவித்தலை நாம் கவனத்திற்கொண்டுள்ளோம். அதாவது சிவில் மற்றும் அரசியல் உரிமைகள் தொடர்பில் எதிர்கால திட்டம் பற்றி இலங்கை அரசாங்கம் தெரிவித்துள்ளது.
மக்களின் அனைத்து பிரச்சினைகள் தொடர்பிலும் அரசாங்கம் கவனம் செலுத்த வேண்டும். மக்கள் நீதியையும் சமாதானத்தையுமே எதிர்பார்க்கின்றனர் எனத் தெரிவித்தார்.
Vidivelli
.jpg)
.jpg)
.jpg)
No comments:
Post a Comment