நுரைச்சோலை மின் உற்பத்தி நிலையத்தில் தொழில்நுட்ப கோளாறு : மின் வெட்டு நேரம் நீடிக்கப்படுமா ?

நுரைச்சோலையில் உள்ள 270 மெகாவாட் மின் உற்பத்தி நிலையங்களில் ஒன்றில் தொழில்நுட்ப கோளாறு ஏற்பட்டுள்ளதாக இலங்கை மின்சார சபை தெரிவித்துள்ளது.

இது குறித்து மின் விநியோகம் மற்றும் எரிசக்தி அமைச்சர் காஞ்சன விஜேசேகர தெரிவிக்கையில், மின் தடையை சரி செய்வதற்காக இலங்கை மின்சார சபை திருத்த வேலைகளை ஆரம்பித்துள்ளதாக தெரிவித்தார்.

5 நாட்களுக்குள் நுரைச்சோலை ஆலையுடன் இணைக்கப்படும் என இலங்கை மின்சார சபை உறுதியளித்துள்ளதாக அவர் மேலும் தெரிவித்தார்.

தற்போதைய மின் வெட்டை மேலும் நீடிக்காமல் நிர்வகிப்பதாக இலங்கை மின்சார சபை உறுதியளித்துள்ளது.

அனல் மற்றும் நீர் நிலையங்களை பயன்படுத்தி மின் வெட்டுகளை நிர்வகிப்பதாக இலங்கை மின்சார சபை தெரிவித்துள்ளதாக அமைச்சர் மேலும் தெரிவித்தார்.