சிறைச்சாலை கொத்தணியில் புதிதாக 11 தொற்றாளர்கள் அடையாளம் - News View

Breaking

Post Top Ad

Saturday, February 6, 2021

சிறைச்சாலை கொத்தணியில் புதிதாக 11 தொற்றாளர்கள் அடையாளம்

(செ.தேன்மொழி)

சிறைச்சாலைகளில் கொவிட்-19 கொத்தணியில் புதிதாக 11 தொற்றாளர்கள் அடையாளம் காணப்பட்டுள்ளதாக சிறைச்சாலைகள் திணைக்களம் தெரிவித்துள்ளது.

சிறைச்சாலைகளில் ஏற்பட்ட கொவிட்-19 கொத்தணியின் காரணமாக வைரஸ் தொற்றுக்குள்ளாகுபவர்களின் எண்ணிக்கை கடந்த சில வாரங்களாக குறைவடைந்து வந்த போதிலும், நேற்று தொற்றாளர் எண்ணிக்கை அதிகரித்துள்ளது. 

4 அதிகாரிகள் உட்பட 11 பேர் தொற்றாளர்களாக அடையாளம் காணப்பட்டுள்ளனர்.

சிறைச்சாலைகளில் இதுவரையில் 141 அதிகாரிகள் உட்பட 4,600 பேர் வைரஸ் தொற்றுக்குள்ளாகியிருப்பதாக அடையாளம் காணப்பட்டுள்ளதுடன், அவர்களுள் 132 அதிகாரிகள் உட்பட 4,364 பேர் குணமடைந்துள்ளனர். வைரஸ் தொற்றுக்குள்ளான நிலையில் 9 அதிகாரிகளும், 215 கைதிகளும் தொடர்ந்தும் சிகிச்சை பெற்று வருகின்றனர். 

சிறைச்சாலைகளில் கொவிட்-19 வைரஸ் தொற்றின் காரணமாக இதுவரையில் 10 பேர் மாத்திரமே உயிரிழந்துள்ளனர்.

No comments:

Post a Comment

Post Bottom Ad