வெப்ப அலையில் இருந்து காப்பாற்ற நாய்களுக்கு காலில் ‘ஷு’ - வீடியோ

செல்ல பிராணியான நாய்களின் காலில் ‘ஷு’ அணிந்து கோடை வெப்பத்தில் இருந்து காப்பற்றும் சுவிட்சர்லாந்து போலீசாரின் முயற்சி சமூக வலைதளங்களில் பலரது பாராட்டுகளை பெற்றுள்ளது.

ஐரோப்பிய நாடுகளில் தற்போது காற்றில் வெப்ப அலைகள் வீசுகிறது. இதனால் சுவிட்சர்லாந்தில் 1864-ம் ஆண்டுக்கு பிறகு அதிக அளவில் கோடை கால வெப்பம் பதிவாகியுள்ளது.

எனவே வெப்ப அலைகளில் இருந்து தங்களது செல்ல பிராணியான நாய்களை காக்க ‘ஹாட் டாக் கேம்பைன்’ எனும் விழிப்புணர்வு பிரசாரத்தை ஜூரிச் நகர போலீசார் தொடங்கி உள்ளனர்.

நாய்களை வெளியே அழைத்து செல்வதற்கு முன்பு வெப்ப அளவு எவ்வளவு என்பதை அறிய தங்களின் கைகளை 5 நொடிகள் தொடர்ந்து நிலத்தில் வைத்து பரிசோதியுங்கள். வெப்ப அலைகளில் இருந்து நாய்களை காக்க அவற்றுக்கும் ‘ஷு’ அணியுங்கள்.

சாலைகளில் உள்ள நடைபாதைகள் மிகவும் சூடாக இருக்கும் எனவே உங்கள் 4 கால் நண்பர்களை காக்க இத்தகைய நடவடிக்கை மேற்கொள்ளுங்கள் என பிரசாரம் மேற்கொண்டு வருகின்றனர்.

இந்த விழிப்புணர்வு பிரசாரத்தை சமூக வலைதள பயன்பாட்டாளர்கள் பலரும் பாராட்டியுள்ளார்.