இலங்கையிலிருந்து வரும் ஹாஜிகளை வரவேற்க அனைத்து ஏற்பாடுகளும் பூர்த்தி

புனித ஹஜ் கட­மை­யினை நிறை­வேற்­று­வ­தற்­காக இலங்கையிலிருந்து வரு­கின்ற ஹாஜி­களை வர­வேற்­ப­தற்­கான அனைத்து நட­வ­டிக்­கை­களும் முன்­னெ­டுக்­கப்­பட்­டுள்­ள­தாக ஜித்தாவி­லுள்ள இலங்­கையின் கொன்சியூலேட் ஜெனரல் அலு­வ­லகம் தெரி­வித்­தது.

கடந்த 29ஆம் திக­தி­யி­லி­ருந்து ஹஜ் கட­மை­யினை நிறைவேற்றுவதற்காக உல­க­ளா­விய ரீதி­யி­லி­ருந்து ஹாஜிகள் சவூதி அரே­பியா செல்­கின்­றனர். இலங்­கை­யி­லி­ருந்து முத­லா­வது ஹஜ் குழு எதிர்­வரும் 11ஆம் திகதி ஞாயிற்­றுக்­கி­ழமை செல்­ல­வுள்­ளது.

46 ஹாஜி­களைக் கொண்ட இந்த முதல் குழு 11ஆம் திகதி இலங்கை நேரப்­படி அதி­காலை 5.15 மணிக்கு பண்­டா­ர­நா­யக்க சர்­வ­தேச விமான நிலை­யத்­தி­லி­ருந்து புறப்­ப­ட­வுள்­ளது. 

இந்த குழு­வி­னரை வழி­ய­னுப்­பு­வ­தற்­கான அனைத்து நடவடிக்கைகளையும் அரச ஹஜ் குழு மற்றும் முஸ்லிம் சமய பண்பாட்­ட­லு­வல்கள் திணைக்­களம் ஆகி­யன இணைந்து முன்னெடுத்­துள்­ளன.

இதே­வேளை, இந்த குழு 11ஆம் திகதி சவூதி நேரப்­படி பி.ப 3.50 மணிக்கு ஜித்­தா­வி­லுள்ள மன்னர் அப்துல் அஸீஸ் விமான நிலையத்தினை சென்­ற­டை­ய­வுள்­ளது.

இவர்­களை வர­வேற்­ப­தற்­கான அனைத்து நட­வ­டிக்­கை­க­ளையும் ஜித்தா­வி­லுள்ள இலங்­கையின் கொன்சியூலேட் ஜெனரல் அலு­வ­லகம் ஏற்­பாடு செய்­துள்­ளது. இந்த நிகழ்வில் சவூதி அரே­பி­யா­விற்­கான இலங்கைத் தூதுவர் அமீர் அஜ்­வதும் பங்­கேற்பார் என எதிர்பார்க்கப்ப­டு­கின்­றது.

இதே­வேளை, இலங்­கை­யி­லி­ருந்து வரு­கின்ற அனைத்து ஹாஜி­களும் சவூதி அரே­பி­யாவின் ஹஜ் மற்றும் உம்ரா அமைச்சின் கீழுள்ள நுஸுக் எனும் இணை­யத்­த­ளத்தில் தங்­களின் தக­வல்­களை பிர­தான இயக்­கு­னர்கள் ஊடாக பதி­வேற்றம் செய்­யு­மாறு ஜித்­தா­வி­லுள்ள இலங்­கையின் கொன்சியூலேட் ஜெனரல் அலு­வ­லகம் அறிவித்துள்ளது.

இந்த இணை­யத்­த­ளத்தின் ஊடா­கவே ஹாஜி­க­ளுக்கு தேவை­யான அனைத்து ஏற்­பா­டு­களும் முன்­னெ­டுக்­கப்­ப­டு­கின்­றமை குறிப்பிடத்தக்­கது. 

இலங்கை ஹாஜி­க­ளுக்கு சேவை வழங்­கு­வ­தற்­காக தெரிவு செய்யப்பட்­டுள்ள சேவை நிறு­வனத்­தினால் போக்­கு­வ­ரத்து ஏற்பாடுகள், ஜித்தா, மக்கா, மினா, அரபா மற்றும் மதீ­னாவில் போன்ற இடங்­களில் தேவை­யான ஏற்­பா­டு­களும் மேற்­கொள்­ளப்­பட்டு வருவதாக கொன்சியூலேட் ஜெனரல் அலு­வ­லகம் தெரி­வித்­தது.

இதே­வேளை, ஹாஜிகள் செல்­லு­ப­டி­யாகும் ஹஜ் விசா­வு­ட­னேயே சவூதி அரே­பி­யா­விற்குள் நுழைய முடியும் எனத் தெரி­வித்த கொன்சியூலேட் ஜெனரல் அலு­வ­லகம், ஹஜ் விசா தவிர்ந்த வேறு எந்த விசாவினை வைத்­தி­ருப்­ப­வர்­களும் இந்த வருடம் ஹஜ் செய்ய அனுமதிக்­கப்­ப­ட­மாட்­டார்கள் எனத் தெரிவித்தது.

அத்­துடன் ஹஜ் பயண ஏற்­பா­டுகள் தொடர்பில் முகவர் நிறுவனங்களுடன் கலந்­து­ரை­யாடி தக­வல்­களை பெற்றுக் கொள்வதுடன், சவூதி அரே­பியா வந்­த­டைய முன்னர் ஹஜ் கட­மை­கள் தொடர்­பான விட­யங்­களை அறிந்­து­கொள்­ளு­மாறும் கொன்சியூலேட் ஜெனரல் அலு­வ­லகம் அறி­வு­றுத்­தி­யுள்­ளது.

இதற்கு மேல­தி­க­மாக ஹஜ்­ஜுக்குச் செல்ல 10 நாட்­க­ளுக்கு முன்னர் மூளைக்­காய்ச்சல் மெனிஞ்­ஜைடிஸ் தடுப்­பூ­சியை ஏற்­றி­ய­மைக்­கான சான்­றி­த­ழையும் கொவிட்-19 தடுப்­பூசி சான்­றி­த­ழையும் வைத்துக் கொள்­ளு­மாறும் கொன்சியூலேட் ஜெனரல் அலு­வ­லகம் குறிப்பிட்டுள்ளது.

ஹஜ் கட­மைக்கு தேவை­யான பொருட்­களை மாத்­திரம் கொண்டுவரு­வ­துடன் சவூதி அரே­பி­யா­வினால் தடை செய்யப்பட்ட மற்றும் தடுக்கப்பட்ட பொருட்களை கொண்டுவருவதை தவிர்க்குமாறும் கொன்சியூலேட் ஜெனரல் அலுவலகம் கோரிக்கை விடுத்தது.

இலங்கையிலிருந்து வருகின்ற ஹாஜிகளுக்கு ஏற்படுகின்ற அசௌகரியங்களை தவிர்க்கும் வகையிலேயே மேற்படி அறிவுறுத்தல்கள் விடுக்கப்பட்டுள்ளமை குறிப்பிடத்தக்கது.

Vidivelli