ஒரு பள்ளிவாசலுக்கு 18 கிலோ வீதம் சவூதி பேரீச்சம் பழங்கள் விநியோகம்

பதி­வு­ செய்­யப்­பட்ட ஒரு பள்­ளி­வா­ச­லுக்கு 18 கிலோ என்ற அடிப்படையில் சவூதி அரே­பி­யா­வினால் அன்­ப­ளிப்புச் செய்­யப்­பட்ட பேரீச்சம் பழங்­களை விநி­யோ­கிக்கும் நட­வ­டிக்கை தற்­போது முன்னெ­டுக்­கப்­பட்டு வரு­வ­தாக முஸ்லிம் சமய பண்­பாட்­ட­லு­வல்கள் திணைக்­க­ளத்தின் பணிப்­பாளர் எம்.எஸ்.எம். நவாஸ் தெரி­வித்தார்.

நாட­ளா­விய ரீதி­யி­லுள்ள 2,740 பதி­வு­செய்­யப்­பட்ட பள்­ளி­வா­சல்­களின் ஊடா­கவே இந்த பேரீச்சம் பழங்கள் விநி­யோ­கிக்­கப்­ப­டு­வ­தா­கவும் அவர் குறிப்­பிட்டார்.

பெரும்­பா­லான பள்­ளி­வா­சல்­க­ளுக்கு இந்த பேரீச்சம் பழங்கள் ஏற்கனவே கைய­ளிக்­கப்­பட்டு விட்­ட­தா­கவும் பணிப்­பாளர் கூறினார்.

புனித ரமழான் மாதத்­தினை முன்­னிட்டு சவூதி அரே­பி­யா­வினால் 50 மெட்ரிக் தொன் பேரீச்சம் பழங்கள் இலங்­கைக்கு கடந்த ஜன­வ­ரியில் அன்­ப­ளிப்புச் செய்­யப்­பட்­டமை குறிப்­பி­டத்­தக்­கது.

இதே­வேளை, நாட்­டி­லுள்ள முஸ்லிம் மக்­க­ளுக்கு பகிர்ந்தளிப்பதற்காக பேரீச்சம் பழங்­களை அன்­ப­ளிப்புச் செய்யுமாறு குவைத், கட்டார், ஐக்­கிய அரபு இராச்­சியம் மற்றும் ஈரான் போன்ற நாடு­க­ளிடம் கோரிக்கை விடுக்­கப்­பட்­டுள்­ள­தா­கவும் பணிப்­பாளர் நவாஸ் தெரி­வித்தார்.

புனித ரமழான் மாத்­தினை முன்­னிட்டு அந்­நியச் செலா­வணி தொடர்பு­ப­டாமல் இறக்­கு­மதி செய்­யப்­படும் பேரீத்தம் பழங்­க­ளுக்கு அர­சாங்­கத்­தினால் வழங்­கப்­பட்­டுள்ள 199 வரி விலக்­க­ளிப்­புக்கு தேவை­யான சிபா­ரிசுக் கடிதம் தற்­போது திணைக்­க­ளத்­தினால் வழங்­கப்­பட்டு வரு­வ­தாக அவர் கூறினார்.

இந்தக் கடிதம் தேவைப்படும் தனிநபர்கள் மற்றும் சமூக அமைப்புக்கள் உரிய ஆவணங்களுடன் திணைக்களத்தினை தொடர்புகொள்ளுமாறும் அவர் வேண்டுகோள் விடுத்தார்.

Vidivelli