கைதிகளுக்கு சிறப்பு சிகிச்சை மையங்கள், தனிமைப்படுத்தலிலுள்ள தொடர் மாடிகளை விடுவிப்பது தொடர்பாகவும் ஆராய்வு

சிறைகளில் இனங்காணப்பட்ட கொவிட்-19 தொற்றாளர்களுக்கு சிகிச்சையளிப்பதற்காக ஜனாதிபதியால் வழங்கப்பட்ட உத்தரவுகளின்படி, இராணுவத்தின் பாதுகாப்புடன் கூடிய பல சிறப்பு சிகிச்சை மையங்கள் யாழ்ப்பாணம், கந்தக்காடு மற்றும் கல்லேல்ல பகுதிகளில் அமைக்கப்படும் கொவிட் செயலணி தலைவர் லெப்டினன்ட் ஜெனரல் சவேந்திர சில்வா தெரிவித்தார்.

நீண்ட காலமாக தனிமைப்படுத்தப்பட்டிருக்கும் தொடர் மாடிக் குடியிருப்புக்களை விடுவிப்பதற்கான புதிய மூலோபாயம் மற்றும் சாத்தியப்பாடுகள் தொடர்பாக ஆராயப்பட்டதுடன், அங்கு வசிக்கும் அனைத்து குடும்பங்களில் அனைவருக்கும் பி.சி.ஆர் மற்றும் ரேபிட் ஆன்டிஜென் சோதனைகள் மூலம் கூடிய வரைவில் அவற்றை விடுவிப்பதற்கான சாத்தியப்பாடுகள் தொடர்பாகவும் கலந்துரையாடப்பட்டது.

ஒக்டோபர் மாதம் 21 ம் திகதிக்கு பின்னர் கொழும்பு மாநகர எல்லைப் பகுதியில் கொவிட் தொற்று பரவுவது முந்தைய பதிவுகளுடன் ஒப்பிடும்போது ஒப்பீட்டளவில் குறைந்துவிட்டது, மேலும் அதிக ஆபத்தான வலயங்களில் மேற்கொள்ளப்பட்ட பி.சி.ஆர் சோதனைகள் மூலம் நிரூபிக்கப்பட்டுள்ளது. 

கொவிட்-19 க்கு உள்நாட்டு மருந்துகள் குறித்து கலந்துரையாடலில் கவனம் செலுத்திய செயலணி தலைவர், சுகாதார மற்றும் சுதேச மருத்துவ அமைச்சினால் நியமிக்கப்பட்ட சிறப்புக்குழு மூலம் சுதேச மருத்துவத் துறையின் மருத்துக்கள் பரிசோதிக்கப்பட்டு சரிபார்க்கப்படும் என்று கூறினார். 

500-600 வெளிநாட்டவர்களை தினசரி வெளிநாடுகளில் இருந்து நாட்டிற்கு அழைத்து வருதல், பி.சி.ஆர் சோதனைகள் மற்றும் தனிமைப்படுத்தல் செயல்முறைகள் குறித்தும் விவாதிக்கப்பட்டது.

முதன்மை சுகாதார சேவைகள், தொற்று நோய்கள் மற்றும் கொவிட்-19 கட்டுப்பாட்டு இராஜாங்க அமைச்சர் டாக்டர் சுதர்ஷனி பெர்னாண்டோபுள்ளை கொவிட்-19 பரவலைத் தடுக்கும் தேசிய செயற்பாட்டு மையத்தின் தலைவரும் பாதுகாப்பு பதவி நிலை பிரதானியும் இராணுவத் தளபதியுமான லெப்டினன்ட் ஜெனரல் சவேந்திர சில்வா மற்றும் வைத்திய நிபுணரும் சுகாதார சேவைகள் பணிப்பாளர் நாயகமுமான வைத்தியர் அசேல குணவர்தன ஆகியோரின் இணைத் தலைமையில் உறுப்பினர்கள் மற்றும் நிபுணர்களின் பங்குப்பற்றலில் 8 ஆம் திகதி பிற்பகல் நடைபெற்ற செயற்குழு கூட்டத்திலேயே இவ்விடயங்கள் ஆராயப்பட்டது.