நாட்டை பொறுப்பேற்பதாக கூறுவோர் 2025 இல் வரவு செலவு திட்டத்தில் துண்டு விழும் தொகையை எவ்வாறு ஈடுசெய்வார்கள்? : மக்களுக்கு விளக்கமளிக்க வேண்டுமென்கிறார் பந்துல

நாட்டை பொறுப்பேற்பதாக கூறுவோரிடம் நான் கேட்பது அக்டோபர் மாதம் ஜனாதிபதி நியமிக்கப்பட்டு பாராளுமன்றத்தில் 2025 ஆம் ஆண்டு வரவு செலவுத் திட்டம் வரும்போது ஜனாதிபதி ரணில் விக்கிரமசிங்கவுக்கு வழங்குவதாக உடன்பட்டுள்ள சர்வதேச நாணய நிதியம், உலக வங்கி உள்ளிட்ட நிறுவனங்கள் வழங்குவதாக உறுதியளித்துள்ள நிதி இல்லாது வரவு செலவு திட்டத்தின் துண்டுவிழும் தொகையை எவ்வாறு ஈடுசெய்யப் போகிறார்கள் என்பதை நாட்டு மக்களுக்கு விளக்க வேண்டும். இல்லையேல் நாடு முன்பிருந்த நிலைக்கே செல்லும் என்றும் போக்குவரத்து நெடுஞ்சாலைகள், வெகுஜன ஊடகத்துறை அமைச்சர் பந்துல குணவர்த்தன தெரிவித்தார்.

இபோச. ஊழியர்களை அங்கீகரிக்கப்பட்ட ஆட்சேர்ப்பு மற்றும் பதவி உயர்வு நடைமுறைக்கு அமைவாக உள்வாங்கும் வேலைத்திட்டம் நேற்று பிரதமர் தினே ஸ் குணவர்த்தன தலைமையில் அலரி மாளிகையில் நடைபெற்றது. 

இதில் கலந்துகொண்டு பேசிய போக்குவரத்து மற்றும் வெகுஜன ஊடகத்துறை அமைச்சர் கலாநிதி பந்துல குணவர்தன, எமது நாட்டில் இலங்கை போக்குவரத்து சபையின் 67 வருட வரலாற்றில் ஒரு திருப்புமுனையை தீர்மானிக்கும் நாள் இன்று. இலங்கை வரலாற்றில் இலங்கைப் போக்குவரத்துச் சபை இருக்கும் வரையில் அரசியல் நியமனங்கள், பதவி உயர்வுகள், பதவிகளை இழந்த யுகம் அகற்றப்பட்டு, நாளாந்தம் குறிப்பிட்ட வகையில் பதவிகளும் பதவி உயர்வுகளும் வழங்கப்பட்டு வந்த நிலையான அமைப்பாக இ.போ.ச மாற்றப்பட்ட வரலாற்று நாள் இன்று.

முன்பெல்லாம், ஆட்சிகள் மாறும்போது, ​​தேர்தல் முடிந்ததும், வெற்றி பெற்ற கட்சி முதலில் டிப்போவுக்குள் சென்று, தோற்றுப்போன அனைவரையும் நாற்காலியில் இருந்து அகற்றிவிட்டு, புதியவர்கள் அமருவார்கள். அந்தச் செயலுக்கு எதிர்வினையாற்றும் வகையில், அடுத்த முறை வெற்றி பெற்றவுடன், வந்தவர்களை நீக்கிவிட்டு, புதிய குழு நாற்காலிகளில் அமரும். பல்வேறு பதவிகளுக்கு தேவையான பதவி உயர்வுகள் கிடைக்கவில்லை. தகுதி கிடைப்பதில்லை. புதியவர்கள் வருவதற்கு வாய்ப்பே இல்லை. 

காமினி லொகுகேயின் அழைப்புக்கு அமைச்சர் திலும் அமுனுகமவும் பல்வேறு சூழ்நிலைகளில் இந்நிலைமையை சரிசெய்வதற்கு பெரும் முயற்சிகளை மேற்கொண்டனர். அந்த முயற்சியில் ஜனாதிபதி எனக்கு இந்த விடயத்திற்குப் பொறுப்பான அமைச்சர் பதவியை வழங்கியதன் பின்னர் இந்த நிறுவனத்தைப் பற்றி நாம் சிந்தித்தோம். 

1956 இல், இந்த இ.போ.ச உருவானது. அன்றைய உலகில் இருந்த அடிப்படைப் பிரச்சனைகளைத் தீர்க்க உலகில் இரண்டு முறைகள் இருந்தன. ஒன்று சந்தை அமைப்பு. அமெரிக்கா ஐக்கிய இராச்சியம், பிரான்ஸ், ஜெர்மனி போன்ற நாடுகள் சந்தை முறை மூலம் அந்த சமுதாய மக்கள் எதிர்கொள்ளும் அடிப்படை பிரச்சினைகளை தீர்க்க வள விநியோக முறை வடிவமைப்பை முடிவு செய்தன. 

சோவியத் ரஷ்யா, மக்கள் சீனா, கியூபா, ஹங்கேரி, பல்கேரியா, உக்ரைன், ருமேனியா போன்ற நாடுகள் மையப்படுத்தப்பட்ட திட்டமிடல் முறையில் நடவடிக்கை எடுத்தன. அப்போது பல்கலைக்கழக மட்டத்தில் இவ்விரு முறைகள் பற்றிய விவாதங்களும் நடந்தன. அந்த முறையில் பல்கலைக்கழகங்களில் சிறந்தது சோசலிச மையப்படுத்தப்பட்ட திட்டமிடல் அமைப்பே என உயர் மட்டத்திலிருந்து கீழ் மட்டம் வரை கற்பிக்க ஒரு சிலர் நடவடிக்கை எடுத்தனர். அதற்கு மாற்று முறை சந்தை முறை என்றும் கற்பிக்கப்பட்டது. 

சோசலிச மையப்படுத்தப்பட்ட முறையே சிறந்த அமைப்பு என்பதை இருபத்தைந்து வருடங்களாக சிசிர ஜயக்கொடி எம்.பி.க்களுக்கு நான் கற்பித்துள்ளேன். நாங்களும் கல்லூரியில் படிக்கும்போது அதைத்தான் செய்தோம். தோட்டங்கள் மற்றும் தொழிற்சாலைகளை கையகப்படுத்துங்கள். முதலாளித்துவ சக்தி உடைந்தது என கோஷங்களை தலைவர்கள் எங்களுக்கு கற்றுக் கொடுத்தபோது, நாங்கள் வீதிகளில் அவற்றை முழங்கியபடி சென்றிருக்கிறோம்.

அந்த சகாப்தத்தில், பிரதமரின் தந்தை இந்த நாட்டில் சோசலிச இயக்கத்தை நிறுவிய பிலிப் குணவர்தன ஆவார். சவுத் வெஸ்டர்ன் நிறுவனத்திற்கு எதிரான நீதிமன்ற வழக்குகளின் தீர்ப்பின்படி இலங்கை வரலாற்றில் உழைக்கும் மக்களின் தொழில்சார் போராட்டத்திற்காகப் போராடிய ஒரே இலங்கைத் தலைவர் பிலிப் குணவர்த்தன ஆவார். 

அவ்வாறு செய்து தேசியமயமாக்கப்பட்ட இயக்கம் 1989 ஆம் ஆண்டு மக்கள் ஐக்கிய முன்னணியின் உறுப்பினர்களாக பாராளுமன்றத்தில் எதிர்க்கட்சிக்கு சென்றதன் பின்னரா ஜனாதிபதி ரணசிங்க பிரேமதாசவின் காலத்தில் முதலாவதாக இ.போ.ச வே தனியார் மயமாக்கலுக்கு தெரிவானது.

அவ்வேளை பேட்டரி பெட்டியில் அமர்ந்து மத்திய கல்லூரிகள், பல்கலைகழகங்கள் ஊடாக பல்கலைக்கழக மாணவர்களாக, அதிலிருந்து பாராளுமன்றம் வரை வந்த எம்.பி.க்கள் என நுகேகொடை பஸ் நிலையத்தில் தனியார் மயத்திற்கு எதிர்ப்பு தெரிவித்து பெரும் போராட்டத்தை முன்னெடுத்தோம். இ.போ.ச.வை தனியார் மயமாக்க வேண்டாம் என முன்னெடுத்தோம்.

முன்னாள் ஜனாதிபதி மஹிந்த ராஜபக்ஷ, ரிச்சர்ட் பத்திரன, அனுர பண்டாரநாயக்க, தினேஷ் குணவர்தன மற்றும் நாம் அனைவரும் நுகேகொடயில் வைத்து இ.போ.ச பஸ்ஸில் ஒன்றாக ஏறினோம்.

இ.போ.ச ஊழியர்கள் யாரும் பஸ்ஸை ஓட்ட முன்வரவில்லை. பாராளுமன்ற உறுப்பினர் பேர்ட்டி பிரேமலால் திஸாநாயக்க பாராளுமன்றத்திற்கு செல்வதற்கான பயணச்சீட்டுகளை வழங்கினார். நாங்கள் சென்றோம். நானும் அனுர பண்டாரநாயக்கவும் பெட்டரி பெட்டி இருக்கும் இடத்தில் அமர்ந்திருந்தோம். நாங்கள் நுகேகொடையிலிருந்து மிரிஹான நோக்கி சிறிது தூரம் சென்று கொண்டிருந்தபோது, ​​மிரிஹானவில் இருந்து இராணுவத்தினர் தடிகளுடன் பஸ்ஸை தாக்க ஆரம்பித்தபோது, ​​எமது முன்னாள் உறுப்பினர்கள் பஸ்ஸை முடிந்தளவு வேகமாக எடுத்துக்கொண்டு பாராளுமன்றம் சென்றனர். சபாநாயகரை நோக்கி கூச்சலிட்டதுடன், பாராளுமன்ற உறுப்பினர்களின் உரிமைகள் மீறப்பட்டுள்ளதாகவும் எம்மை தாக்கியதாகவும் தெரிவித்தனர்.

அமைச்சர் காமினி லொகுகே அப்போது அமைச்சராக பணியாற்றினார். அது தொடர்பாக பாராளுமன்றத்தில் விசாரணை நடத்தப்படும் என்றார். முடிவு என்னவென்று இன்னும் தெரியவில்லை.

இ.போ.ச மூலம் சீசன் டிக்கெட்டுக்கு அரசு பெரும் மானியம் வழங்குகிறது. அதை ரத்து செய்ய முடிவு செய்யப்பட்டது. இந்த செலவை செய்து தொழில் நடத்துவது மிகவும் கடினம் என்பது உண்மைதான். ஆனால், இந்த நாட்டில் இலவசக் கல்வி பெறும் இலட்சக்கணக்கான குழந்தைகளின் எதிர்காலத்துக்கு அந்த மானியம் மிகவும் முக்கியமானது. 

பாராளுமன்ற உறுப்பினர் தினேஸ் குணவர்தனவின் தலைமையில் நாங்கள் உயர் நீதிமன்றத்திற்கு மனு ஒன்றை கொண்டு சென்றோம். உயர் நீதிமன்ற தீர்ப்பின் விளைவாக, பாடசாலை மாணவர்களுக்கு கட்டாயம் சீசன் டிக்கெட் வழங்க வேண்டும் என்ற முடிவை எடுக்க முடிந்தது. இன்றும், இந்த நாட்டில் இ.போ.ச வழங்கும் மிகப்பெரிய சேவைகளில் இதுவும் ஒன்றாகும். 

தொலைதூர கிராமங்களில் உள்ள குழந்தைகள் பாடசாலை வரவேண்டும் என்ற மிகப்பெரிய தேசிய கடமையையும் பொறுப்பையும் நிறைவேற்ற இ.போ.ச டிரைவர் கண்டக்டர்கள் பணியாற்றி வருகின்றனர்.

எவ்வாறான பிரச்சினைகள் இருந்தாலும், பிள்ளைகளுக்கு முன்பாகவே அதிகாலையில் எழுந்து அம்பாறை, ஆனமடுவ, பஸ்சில் அட்டகலம்பன்ன, நுரைச்சோலை, கொக்கட்டிச்சோலை என நாற்பத்தி நான்கு இலட்சத்திற்கும் அதிகமான சிறுவர்களை அதிகாலையில் ஏற்றிச் செல்லும் கௌரவமான மனிதாபிமானச் செயலை நாடெங்கிலும் செய்கிறார்கள். அந்தச் சேவையை வேறு யாராலும் செய்ய முடியாது என்பது என் கருத்து. அதற்கான செலவினம் யாரிடமும் இல்லை. போக்குவரத்து கட்டண உயர்வால், சீசன் டிக்கெட்டுகளுக்கான தேவை அதிகரித்துள்ளது.

இந்த ஆண்டுக்கான மதிப்பிடப்பட்ட செலவு சீசன் டிக்கெட்டுகளுக்கு இருபது பில்லியன் ஆகும். இந்த இருபது பில்லியன் எவ்வளவு பெரியது என்று சொன்னால், 2024ஆம் ஆண்டு இந்தப் பகுதிகளுக்குச் வீதி அமைக்க போக்குவரத்து அமைச்சு ஒதுக்கிய தொகை 20 பில்லியன்.

சீசன் டிக்கெட்டுகளை வழங்க இ.போ.சவுக்கு 20 பில்லியன் தேவைப்படுகிறது. இந்த மானியம் பற்றி எங்கும் பேசப்படுவதில்லை. கொவிட்-19 தொற்றுநோய்க்குப் பிறகு, இந்த மானியம் பல ஆண்டுகளாக நிறுத்தப்பட்டது. இத்தொகையை உடனடியாக செலுத்துமாறு கூறியுள்ளேன். 

திறைசேரி உள்ளிட்ட அரச சேவையில் உச்சத்துக்குச் சென்ற சில அதிகாரிகள், பஸ்ஸில் மத்திய உயர்நிலைப் பள்ளிகள் வழியாக வந்து இலவசக் கல்வி மூலம் பல்கலைக்கழகம் சென்று பட்டப்படிப்புக்குப் பிறகு இந்தப் பதவிகளைப் பெற்றதை மறந்துவிட்டார்கள். கடந்த காலங்களில் இ.போ.ச வால் மாணவர்களுக்கு வழங்கப்பட்ட சீசன் டிக்கெட்டுக்கு வழங்கப்பட வேண்டிய அனைத்து பணத்தையும் வழங்குவதற்கான பங்கை தங்களுக்கு வழங்குமாறு அன்புடன் நினைவுபடுத்த விரும்புகிறேன்.

அமைச்சராக, பல்வேறு பொறுப்புகளை வகிக்கும் குழுக்களில் நான் பணியாற்றுகிறேன். ஜனாதிபதியின் அரச செலவு முகாமைத்துவம் தொடர்பில் அமைச்சரவை உப குழு ஒன்று உள்ளது. வாரத்திற்கு ஒருமுறை ஒவ்வொரு புதன்கிழமையும் கூடுகிறது. இந்த அரசாங்கத்தின் அனைத்து ஊழியர் பிரச்சனைகளையும் தீர்க்க பிரதமர் தலைமையில் ஒரு நிறுவன துணைக்குழு உள்ளது. ஊழியர்களின் சம்பளம், ஆட்சேர்ப்பு, பதவி உயர்வு, இடமாற்றம் போன்றவற்றில் அமைச்சரவைச் செயலாளர், பிரதமரின் செயலாளர் மற்றும் நிதி அமைச்சகத்தின் முகாமைத்துவ திணைக்களத்தின் அனைத்து அதிகாரிகளையும் கொண்ட குழு. நானும் அதில் உறுப்பினராகப் பணியாற்றி வருகிறேன். 

2018ஆம் ஆண்டிலிருந்து காமினி லொகுகே அமைச்சர்களான திலும் அமுனுகம, தலைவர், அமைச்சின் செயலாளர் என்ற வகையில் அரசாங்க அதிகாரி என்ற ரீதியில் இந்தப் பிரச்சினையைத் தீர்ப்பதற்கு பல்வேறு நடவடிக்கைகளைப் பின்பற்றி வருகின்றனர். தினமும் கலந்துரையாடுவார்கள். புதிய ஆவணங்கள் சமர்ப்பிக்கப்படுகின்றன. இந்த அதிகாரிகளும் இந்த குழுவில் உள்ளனர். இ.போ.ச வின் பல்வேறு ஆண்டு விழாக்களில் இந்தப் பிரச்சினைக்கு தீர்வு காணப்படுவதாக கூறப்படுகிறது. 

மிக மோசமான முறையில், சட்டப்பூர்வ அனுமதியின்றி, இந்த சம்பளத்திற்கு தற்காலிக கொடுப்பனவு மற்றும் பதவி உயர்வு கிடைக்கும் வரை என்னால் வேலை செய்ய முடியாது, ஆனால் நான் என்னால் முடிந்த அனைத்தையும் செய்வேன், ஏனென்றால் இது கடைசி விஷயம் அல்ல, ஏனெனில் இந்த குழு தலைவர் இந்தக் குழு கூடியபோது, ​​நான் உறுப்பினராக வந்து அனைவரின் பிரச்சினைகளையும் தீர்ப்பேன் என்று பிரதமர் கூறினார்.

ஒவ்வொரு நாளும் தலையிடும் ஒருவர் என்ற முறையில், எனது அமைச்சின் இ.போ.சவில் உள்ள இந்த மனிதாபிமான பிரச்சினை ஒரு முன்னுதாரணமாக இருக்கும் வகையில் தற்போதுள்ள வழிமுறைகளை மாற்றி நிறைவேற்றாத வரையில் நான் இந்த அமைச்சரவை உப குழுவிற்கு வரமாட்டேன் என்று எழுந்து சென்றேன். 

பிரதமரின் செயலாளர் அனுர திஸாநாயக்க விசேட குழுவொன்றை உருவாக்கி பரிந்துரையை முன்வைத்தார். அந்த பரிந்துரைகள் குறித்து பல்வேறு கதைகள் கூறப்படுகின்றன, ஆனால் அந்த கமிட்டியின் அதிகாரியொருவர் வெளிநாட்டுக்கு சென்றிருந்தார்.. தொழிற்சங்கங்களும் தொழிலாளர்களும் உள்ளே உள்ள போராட்டத்தை புரிந்து கொள்ளவில்லை.

இன்றிலிருந்து நிரந்தரப் பொறுப்பும் பதவியும் கிடைக்கும், அதன்படி தங்களுடைய கடமையை நிறைவேற்றினால் சரியான முறையில் பதவி உயர்வு கிடைக்கும் முறை ஒன்று தயாரித்து அளித்ததன் பின்னால், எஞ்சிய அனைத்துப் பொறுப்புகளையும் நிறைவேற்றி, தங்களுடைய சேவையை வழங்கும் பொது நிறுவனமாகத் தொடர்ந்து இயங்கும் பொறுப்பு உங்களுக்கு வழங்கப்படும். அந்தப் பொறுப்பை நிறைவேற்றுங்கள்.