தெல்தெனிய வன்முறைகள் குறித்து கவலையடைகிறோம் - இப்தார் நிகழ்வில் பிரதமர்

தெல்­தெ­னிய பகு­தியில் கடந்த மார்ச் மாதம் முஸ்­லிம்­க­ளுக்கு எதிராக இடம்­பெற்ற வன்­மு­றைகள் தொடர்பில் அர­சாங்கம் கவலை அடை­வ­தாக பிர­தமர் ரணில் விக்­ர­ம­சிங்க நேற்று தெரி­வித்தார். அலரி மாளி­கையில் நேற்று இடம்­பெற்ற இப்தார் நோன்பு துறக்கும் வைபவத்தில் கலந்­து­கொண்டு உரை­யாற்றும் போதே அவர் இதனைத் தெரி­வித்தார்.

தெல்­தெ­னிய வன்­மு­றை­களின் போது சட்டம் ஒழுங்கை சில நாட்களுக்கு நிலை­நாட்ட முடி­யாமல் போன­தா­கவும், எனினும் சில நாட்­களில் சுதா­க­ரித்­துக்­கொண்டு சட்டம் ஒழுங்கை வழ­மைக்கு கொண்­டு­வர முடிந்­த­தா­கவும் பிர­தமர் ரணில் விக்­ர­ம­சிங்க இதன்போது சுட்­டிக்­காட்­டினார்.

இந் நிலையில் அந்த வன்­மு­றைகள் குறித்த விசா­ர­ணைகள் தொடரும் நிலையில், ஒரு சாராரை தொடர்ந்தும் சட்ட ரீதி­யாக சிறைப்­ப­டுத்தி வைத்­துள்­ள­தா­கவும், கடந்த சில மாதங்­க­ளுக்குள் மட்டும் நூற்­றுக்கும் அதி­க­மான இவ்­வா­றான சம்­ப­வங்கள் குறித்த விசா­ரணைக் கோவைகள் சட்ட மா அதி­ப­ருக்கு அனுப்பி வைக்கப்பட்­டுள்­ள­தா­கவும் பிர­தமர் ரணில் விக்­ர­ம­சிங்க தெரிவித்தார்.

எவ்­வா­றா­யினும் இவ்­வாறு வன்­மு­றை­களில் ஈடு­பட்­ட­வர்­க­ளுக்கு எதி­ராக சட்­டத்தை நடை முறைப்­ப­டுத்­து­வதன் ஊடாக எதிர்காலத்தில் இவ்­வா­றான சம்­ப­வங்கள் இடம்­பெ­று­வதை தவிர்த்து, மேலும் ஒற்­று­மை­யுடன் முன்­னோக்கி செல்­வதை உறுதி செய்ய வேண்டும் என அவர் மேலும் குறிப்­பிட்டார்.

புனித ரமழான் நோன்பு துறக்கும் வைப­வ­மொன்­றினை பிர­தமர் ரணில் விக்­ர­ம­சிங்க அலரி மாளி­கையில் ஏற்­பாடு செய்­தி­ருந்தார். இதில் பிர­த­ம­ருக்கு மேல­தி­க­மாக சபா­நா­யகர் கரு ஜய­சூ­ரிய, அமைச்­சர்கள் பிர­தி­ய­மைச்­சர்கள் எதிர்க்­கட்சித் தலைவர், வெளிநாட்டுத் தூது­வர்கள் என ஏரா­ள­மா­ன­வர்கள் பங்­கேற்­றனர்.

இதில் இப்தார் நிகழ்­வுக்கு அனை­வ­ரையும் வர­வேற்று பிர­தமர் ரணில் விக்­ர­ம­சிங்க உரை­யாற்­றினார். இதன்­போதே அவர் மேற்கொண்ட விட­யங்­களைத் தெரி­வித்தார்.

இதன்­போது பிர­தமர் ரணில் விக்­ர­ம­சிங்க தெரி­வித்­த­தா­வது, 'முஸ்லிம்­க­ளுக்கு இந்த ரமழான் நோன்பு துறக்கும் வைபவம் மிக முக்­கி­ய­மா­னது. அத­னூ­டாக அவர்கள் தமது மத அனுஷ்டானங்களை மிக அமை­தி­யாக வெளிப்­ப­டுத்­து­கின்­றனர்.

பல்­வேறு இன மக்கள் வாழும் நாட்டில் அமை­தியை உறுதி செய்ய ஒவ்­வொரு இன, மத, கலா­சா­ரத்தை பின்­பற்றும் மக்­களும் அவற்றை அனு­ப­விக்­கத்­தக்க சூழலை ஏற்­ப­டுத்த வேண்டும்.

எனினும் இவ்­வா­றான பல் இன, மத நாடு­களில், பிரச்­சி­னைகள், குழப்­பங்கள், வன்­மு­றைகள், அடிப்­ப­டை­வாதம் என பல சிக்­கல்கள் உரு­வாகும். அவற்றை வெற்­றி­க­ர­மாக முகம் கொடுத்து, அனை­வரும் தத்­த­மது கலா­சா­ரத்தை, மதத்தை அனு­ப­விக்கும் சூழலை உருவாக்கும் போதே ஒற்­றுமை சாத்­தி­ய­மாகும்.

உண்­மையில் தெல்­தெ­னிய பகு­தியில் கடந்த மார்ச் மாதம் முஸ்லிம்க­ளுக்கு எதி­ராக இடம்­பெற்ற வன்­மு­றைகள் தொடர்பில் அர­சாங்கம் என்ற ரீதியில் நாம் கவலை அடை­கிறோம். விலை மதிப்பற்ற உயிர்கள் இதில் காவு­கொள்­ளப்­பட்­டது. சில நாட்கள் சட்டம் ஒழுங்கு நிலை நாட்­டப்­ப­ட­வில்லை. எனினும் பின்னர் அது ஒழுங்காக நடைமுறைக்கு வந்தது.

பலரைக் கைது செய்தோம். முகப்புத்தகத்தை தடை செய்தோம். கைது செய்யப்பட்டவர்களில் சிலர் பிணையில் உள்ளனர். மேலும் பலரை சட்ட ரீதியாக சிறையில் வைத்துள்ளோம். இது குறித்து விசாரணைகள் இடம்பெறுகின்றது என்றார்.

Vidivelli