A/L பரீட்சை நாளை ஆரம்பம் : 345,525 பேர் விண்ணப்பம் : தொடர்பு கொள்ள தொலைபேசி எண்

2025 ஆம் ஆண்டுக்கான கல்விப் பொதுத் தராதர உயர்தரப் பரீட்சை நாளை (10) ஆரம்பமாக உள்ளது.

நாடு முழுவதும் அமைக்கப்பட்டுள்ள 2,362 பரீட்சை நிலையங்களில் உயர்தரப் பரீட்சையை நடத்துவதற்கான ஏற்பாடுகள் செய்யப்பட்டுள்ளதாக பரீட்சைகள் ஆணையாளர் நாயகம் தெரிவித்தார்.

இப்பரீட்சைக்கு இம்முறை பாடசாலை ரீதியாக 246,521 பேரும், தனிப்பட்ட ரீதியாக 94,004 பேருமென மொத்தம் 340,525 மாணவர்கள் பரீட்சைக்குத் தோற்றவுள்ளனர்.

உயர்தரப் பரீட்சை காலத்தில் அனர்த்தங்கள் காரணமாக ஏற்படும் இடையூறுகளைத் தடுப்பதற்காக அனர்த்த முகாமைத்துவ மையமும்

பரீட்சைத் திணைக்களமும் இணைந்து விசேட கூட்டுத் திட்டத்தை நடைமுறைப்படுத்தியுள்ளன.

எதிர்பாராத வானிலை காரணமாக ஏற்படக்கூடிய அனர்த்தங்களுக்காக இந்த ஆண்டு உயர்தரப் பரீட்சைக்குத் தோற்றும் மாணவர்கள் எதிர்கொள்ளக்கூடிய இடையூறுகளைத் தடுப்பதே இந்தத் திட்டத்தின் நோக்கம் என அனர்த்த முகாமைத்துவ மத்திய நிலையம் தெரிவித்துள்ளது.

அனர்த்த சூழ்நிலை காரணமாக பரீட்சைக்குத் தோற்றும் திறன் பாதிக்கப்படக்கூடிய மாணவர்களை 117 என்ற தொலைபேசி எண் அல்லது 1911 என்ற தொலைபேசி எண்ணில் தொடர்புகொண்டு தெரிவிக்கலாம் என்று கூறப்படுகிறது.

அனர்த்த முகாமைத்துவ மத்திய நிலையத்தின் அவசர நடவடிக்கை அறைக்குள் நிறுவப்பட்டுள்ள தேசிய பரீட்சை அவசர நடவடிக்கை பிரிவின் சிறப்பு தொலைபேசி எண்களான 0113 668 026, 0113 668 032, 0113 668 087 மற்றும் 0113 668 119 ஆகிய தொலைபேசி எண்களுக்குத் தெரிவிப்பதன் மூலம் தேவையான ஒருங்கிணைப்பு உதவியைப் பெறலாம் என அனர்த்த முகாமைத்துவ நிலையம் தெரிவித்துள்ளது.