நௌபர் மௌலவியும், ஹஜ்ஜுல் அக்பரும் பிரதான சூத்திரதாரிகளா? - சாரா தொடர்பில் பல சந்தேகங்கள் உள்ளன? - நௌபர் மௌலவியும், சஹ்ரானின் மனைவியும் ஏன் ஆணைக்குழு முன் ஆஜராகவில்லை? : அரசாங்கத்தின் நடவடிக்கைகள் மீது கேள்வி எழுப்பினார் முஜிபுர் ரஹ்மான் - News View

Breaking

Post Top Ad

Wednesday, April 7, 2021

நௌபர் மௌலவியும், ஹஜ்ஜுல் அக்பரும் பிரதான சூத்திரதாரிகளா? - சாரா தொடர்பில் பல சந்தேகங்கள் உள்ளன? - நௌபர் மௌலவியும், சஹ்ரானின் மனைவியும் ஏன் ஆணைக்குழு முன் ஆஜராகவில்லை? : அரசாங்கத்தின் நடவடிக்கைகள் மீது கேள்வி எழுப்பினார் முஜிபுர் ரஹ்மான்

ஈஸ்டர் தாக்குதலின் பிரதான சூத்திரதாரியாக நௌபர் மௌலவியையும், ஹஜ்ஜுல் அக்பரையும் சரத் வீரசேகர நேற்று அடையாளப்படுத்தினார். 2019 ஆம் ஆண்டு ஏப்ரல் மாதம் தாக்குதல் நடந்து சில நாட்களின் பின்னர் கைது செய்யப்பட்ட நௌபர் மௌலவியைத்தான் பிரதான சூத்திரதாரியாக அடையாளப்படுத்தியுள்ளார் என ஐக்கிய மக்கள் சக்தியின் பாராளுமன்ற உறுப்பினர் முஜிபுர் ரஹ்மான் தெரிவித்தார்.

இன்று (07) பிற்கபல் எதிர்க்கட்சித் தலைவர் அலுவலகத்தில் இடம்பெற்ற ஊடக சந்திப்பிலேயே பாராளுமன்ற உறுப்பினர் முஜிபுர் ரஹ்மான் அவ்வாறு தெரிவித்தார்.

அவர் இது தொடர்பில் மேலும் தெரிவிக்கையில், ஆனால் கடந்த தேர்தல்களின் போது பிரதான மூல சூத்தரிதாரிகளைக் கண்டு பிடிப்போம் என்று பிரசாரம் செய்தவர் நல்லாட்சி அரசாங்கம் நியமித்த ஆணைக்குழுவின் அறிக்கையை மையப்படுத்தி நௌபர் மௌலவியுடன் இந்த விசாரணைகளையும், தாக்குதலையும் முடிவிற்கு கொண்டு வர முயற்சிக்கின்றனர்.

இன்று அரசாங்கத்திற்கு எதிராக பல்வேறு அதிருப்திகள் மேலேலுந்துள்ள இந்நிலையில் இவற்றிலிருந்து மீளுவதற்கு திடீரென இருவரின் பெயர்களை அடையாளப்படுத்தி வெளிப்படுத்தியுள்ளனர். 

குறிப்பாக கர்தினால் உட்பட கிருஸ்தவ சமூகத்தையும் அரசாங்கத்தின் சமகால பிரச்சிணைகளையும் மூடி மறைக்கவே இவ்வாறு மேற்கொண்டுள்ளனர்.

பின்னனியில் செயற்பட்ட பலப்படுத்திய பிரதான நபர்கள் குறித்து கண்டறியப்படவில்லை. கடந்த ஏப்ரல் மாதம் கைது செய்யப்பட்ட நௌபர் மௌலவி ஆணைக்குழுவில் ஆஜராகவில்லை. சஹ்ரானின் மனைவியின் வாக்கு மூலம் வெளியாகவில்லை, ரவி செனவிரத்ன எழுத்து மூலம் வழங்கிய அவர் சந்தேகதித்த நபர் தொடர்பான விடயங்கள் வெளியாகவில்லை. பூரண தகவல்கள் வெளிப்படுத்தப்படாத சம்பூர்ணமற்ற இந்த ஆணைக்குழு அறிக்கையை வைத்து சரத் வீரசேகர இறுதி முடிவுகளுக்கு வந்துள்ளார்.

சாரா தொடர்பான பல சந்தேகங்கள் உள்ளன. சாரா உயிருடன் இருப்பதாக கூறப்படுகிறது. இது தொடர்பாக அரசாங்கம் இதுவரை என்ன முடிவுகளை எடுத்துள்ளது? வழக்கு தாக்கல் செய்துள்ளதா? சாரா உயிருடன் இல்லை என்று அரசாங்கம் கூறுமானால், சாரா மன்னார் ஊடாக இந்தியா செல்ல உதவியதன் குற்றச்சாட்டில் கைது செய்யப்பட்டவரை ஏன் விடுதலை செய்யவில்லை என்று கேள்வி எழுப்பினார்.

No comments:

Post a Comment

Post Bottom Ad